Transmetuar më 12-01-2022, 11:45
Bashkëshortja i lutej vazhdimisht që burri të vaksinohej. Por ai refuzonte.
Gligor Kedioski, 45 vjeç, vdiq në spital.
I lindur në Prilep, Maqedoni, Gligor jetonte në Liverpool me gruan e tij Bilyana dhe vajzën e tyre pesëvjeçare.
Gligor ishte një punëtor fabrike që kishte punuar edhe si shofer dërgesash gjatë pandemisë.
Sipas miqve të tij, ai ishte plot jetë dhe gjithmonë fliste për aventurën e ardhshme të jetës, transmeton Liverpool Echo.
Në dhjetor, ai u shtrua në spital me Covid. Miqtë dhe familja nuk janë të sigurt se si ai u infektua me virusin, por Gligor nuk ishte vaksinuar, pavarësisht përpjekjeve të Bilyanës për ta bindur atë.