Transmetuar më 14-01-2022, 20:00
Një zyrtare shtatzënë ka mbetur e bllokuar për më shumë se një orë në ashensorin e Pallatit të Drejtësisë në Prishtinë.
Rasti ka ndodhur ditën e sotme, ndërkohë që lajmi është konfirmuar për mediat nga zëdhënësi i Gjykatës së Apelit, Nysret Arifi.
“Rasti ka ndodhur rreth orës 11:00, ku një zyrtare shtatzënë ka mbetur e ngujuar në ashensor për më shumë se një orë, është dashtë të vjen zjarfikësit për intervenim, e po ashtu edhe ndihma e shpejtë”, pohoi ai.
Siç bëri të ditur Arifi, zjarrfikësit kanë thyer murin në mënyrë që të nxirret zyrtarja e bllokuar.
Probleme të tilla të bllokimit të ashensorëve janë mjaft të shpeshta në Kosovë.