Pak muaj pas largimit nga skuadra e femrave të PSG-së, Nadia Nadim nuk i ka dhënë fund karrierës së saj futbollistike. Pjesë e Racing Louisville FC, në Shtetet e Bashkuara, lojtarja 34-vjeçare, megjithatë është përgatitur me sukses për rikualifikimin e saj profesional.

Sulmuesja e kurorëzuar kampione e Francës me kryeqytetasit, sezonin e kaluar, njoftoi në rrjetet sociale se kishte marrë doktoraturën në mjekësi.

Një trajektore e bukur për atë, që gjatë fëmijërisë i është dashur të largohet nga vendi i saj. E lindur në Afganistan në vitin 1988, Nadia Nadim kishte gjetur strehim me një pjesë të familjes së saj në Danimarkë, duke ikur nga regjimi taleban.

Nadia Nadim fled Afghanistan when she was 11 after her father was killed. She has scored 200 goals. Played for PSG and Man City. Represented Denmark 99 times. Speaks 11 languages. This week she qualified as a doctor after 5 years of studying whilst playing football. Wow 👏 pic.twitter.com/AIn38W88c6

— ESPN FC (@ESPNFC) January 16, 2022

Pikërisht në Skandinavi e zbuloi talentin për futbollin, përpara se të bëhej më vonë lojtare ndërkombëtare. Ajo luajti 98 ndeshje dhe shënoi 38 gola për kombëtaren daneze, vendin që e adoptoi.

Ish-lojtarja e PSG-së ka deklaruar shpesh qëllimin e saj për të kryer një "operacion" rindërtues të karrierës mbas futbollit dhe ia ka dalë, duke marrë diplomën për mjeke, pas 5 vitesh studimi, pa lënë mënjanë edhe futbollin.

Nadia Nadim u largua nga Afganistani kur ishte 11 vjeçe, pasi babai i saj u vra. Ajo ka shënuar në total 200 gola. Ka luajtur për PSG dhe Manchester City. Mjekja e re flet 11 gjuhë dhe tashmë do të shërojë njerëzit.