Transmetuar më 21-01-2022, 15:00

Publikohet foto e gruas që u gjet e pajetë, gjysmë e zhveshur, e hedhur në një kanal dhe e mbuluar me gjethe.

Një shumë parash e dhënë borxh mund të ketë qenë shkaku i vrasjes makabre të 64-vjeçare Fatime Sulit nga duart e ‘borxhliut’ të saj, Fetah Narra, 58 vjeç.

Ngjarja e rëndë u regjistrua në fshatin Kozare të Kuçovës gjatë mbrëmjes së djeshme. 64-vjeçarja Fatime Suli nuk u kthye në banesë si zakonisht, gjë që alarmoi familjarët, të cilët pas disa kërkimeve të tyre lajmëruan policinë. Kjo ka bërë që efektivët të vihen të kërkim të gruas, të cilën e kanë gjetur 1 orë pas nisjes së kërkimeve të hedhur në një kanal, të zhveshur nga mesi e poshtë dhe e mbuluar me gjethe në lagjen "Havaleas", vetëm 1 km larg banesës së saj.

64-vjeçarja u mbyt nga komshiu i saj në Kuçovë. Ajo sot është përcjellë në banesën e fundit. 64-vjeçarja u gjet e hedhur në kanal, gjysmë e zhveshur dhe e mbuluar me gjethe.