COVID19/ Ministria e Shëndetësisë: 666 testime, 33 qytetarë të infektuar, një humbje jete dhe 42 të shëruar në 24 orët e fundit
Dy nga 12 prefekturat që ka vendi, nuk kanë më asnjë person të infektuar me kovid.
Dibra që prej 10 ditësh dhe Lezha prej një jave, janë dy qarqet e vendit që tashmë janë kovid free.
Ndërkohë në Kukës janë ende 2 të infektuar dhe në Durrës 9 të tjerë. Ende Tirana ka numrin më të madh të rasteve pozitive, 210 vetë.
Situata e 24 orëve të fundit
Në 24 orët e fundit janë kryer 666 testime, nga të cilat kanë rezultuar pozitivë me COVID19, 33 qytetarë, në këto bashki:
11 në Tiranë, 5 në Kuçovë, 3 në Vau i Dejës, 2 në Durrës, Vlorë, 1 në Kamëz, Kavajë, Fier, Patos, Delvinë, Sarandë, Libohovë, Tepelenë, Elbasan, Belsh. Janë 358 pacientë aktivë me COVID-19 në të gjithë vendin.
Aktualisht në spitalin COVID3 po marrin trajtim 8 pacientë. Për herë të parë që nga nisja e pandemisë, sot nuk raportohet asnjë i sëmurë rëndë.
Megjithatë në 24 orët e fundit ka një humbje jete me Sars-Cov2, pasi ka ndërruar jetë një qytetar nga Tirana 78 vjeç.
Janë shëruar 42 qytetarë gjatë 24 orëve të fundit, duke e çuar numrin e të shëruarve në 270,608 që nga fillimi i epidemisë.
Statistika (16 Prill 2022)
Raste të reja ditore 33 Të shëruar në 24 orë 42 Të shtruar në spitale 8 Humbje jete në 24 orë 1 Testime ditore 666
Testime totale 1,791,981 Raste pozitive 274,462 Raste të shëruara 270,608 Raste Aktive 358 Humbje jete 3,496
Shpërndarja gjeografike e rasteve aktive sipas qarqeve:
Tiranë 210 Vlorë 36 Berat 22 Fier 20 Shkodër 17 Korçë 15 Elbasan 14 Gjirokastër 13 Durrës 9 Kukës 2