Një politikan ukrainas, ish deputet që mbështet Kremlinin, i ka kërkuar Moskës të përdorë armë të shkatërrimit në masë kundër atdheut të tij. Thirrjet vijnë ndërsa bota përballet me frikën në rritje se presidenti Putin mund të lëshojë raketa bërthamore në Kiev.

"Presidenti Zelensky ka më shumë frikë nga një sulm bërthamor rus", shkroi Ilya Kiva në Telegram. "Vetëm kjo mund t’i japë fund konfrontimit të sotëm, jo vetëm me autoritetet ukrainase, por edhe me të gjithë Perëndimin."

Kiva, 44 vjeç, ishte deputet i partisë opozitare të Ukrainës, Platforma për Jetën, deri në mars 2022, kur ai u përjashtua nga parlamenti për mbështetjen e tij për pushtimin e Kremlinit.

Ai tani besohet të jetë në Rusi dhe është akuzuar nga Ukraina për tradhti kombëtare. /noa.al