Shumë pak vetë e dinë që Alba-Trade GmbH në Vjenë të Austrisë, është kompania e parë e Grupit Balfin e themeluar në vitin 1993 nga Presidenti i Grupit Samir Mane. Në këto 29 vite kompania është rritur dhe është një ndër aktorët kryesor të tregtisë me shumice e pakicë të markave më të mëdha të teknologjisë si per shembull, Samsung, Xiaomi, Apple, Sony Play Station, Lenovo, të cilët i kanë besuar Alba-Trade përfaqësimin e tyre zyrtar dhe ekskluziv për rajonin e Ballkanit.

Për të na treguar më shumë mbi të tashmen dhe të ardhmen e biznesit kemi marrë ne intervistë, z. Alban Caslli, Drejtorin Ekzekutiv të kompanisë Austriake me ADN shqiptare, Alba-Trade Ges.m.b.H me qendër në Vjenë.

Alba Trade është një ndër kompanitë më të mëdha të shitjeve me shumicë të pajisjeve elektroshtëpiake, cilat janë rezultatet më të prekshme për të cilat sot kompania mund të krenohet dhe si u arritën ato?

Kompania Alba Trade në strukturën e saj, që në krijim ka patur si format biznesi, zhvillimin e tregut me fjalën e fundit të teknologjisë elektronike. Për rrjedhojë, Alba Trade ka në fokus, si  një nga pikat më me prioritet, sigurimin e kontratave të reja të  brandeve më të suksesshme që operojnë sot në botë si dhe fton brandet më të reja që të zhvillojnë biznesit e tyre në Ballkan duke nënshkruar marrëdhënie partneriteti për rajonin.

Njohja shumë e mirë e tregut rrajonal dhe koordinimi i planit të biznesit me politikat e shitjeve të partnerëve tanë ndërkombëtaër, na ka bërë që të jemi një ndër distributorët më të suksesshëm prej mëse 30 vitesh. Volumi i biznesit dhe qarkullimi i shëndetshëm i kapitaleve na ka bërë partner të besueshëm dhe strategjik. Alba Trade vetëm gjatë tre viteve të fundit është rritur me rreth 15%. Kjo na ka siguruar qëndrueshmëri, besim te vetja dhe partneritete afatgjata për Ballkanit dhe jo vetem.

Cilat janë tregjet që furnizohen nga Alba Trade dhe cilat janë produktet më të kërkuara?

Këtu do të ndaja tipet e bizneseve për të cilat ne operojmë si pikë shumice. Kemi biznese kontraktuale ku ne përfaqësojmë zyrtarisht brandet më në zë në fushën e elektronikës, në Shqipëri, Maqedoninë e Veriut, Kosovë dhe së fundmi prej 2020 në Kroaci. Referuar dhe strukturës së shumicës që Alba Trade trashëgon që nga themelimi i saj, ne operojmë edhe në shitje shumice në rangun ndërkombëtar, duke përfshirë këtu edhe shtete jashtë kontinentit evropian. Për momentin ne kemi pika distribucioni, të cilat operojnë sipas model biznesit ditor që paraqitet në Hong Kong, Dubai dhe Majami.

Kompanitë ndërkombëtare që ne përfaqësojmë kanë një shumëllojshmëri produktet për të plotësuar gjerësisht nevoja e blerësve. Ajo që ne kemi vënë re këto vitet e fundit është një shtim i interesit dhe i shitjeve të produkteve inteligjente (smart devices) në kategori të ndryshme. Sigurisht që kjo është një prirje ndërkombëtare por që po gjen terren shumë të madh edhe në tregjet e Ballkanit.

Cilat janë kompanitë partnere të Alba Trade dhe nësë ka plane per shtimin e bashkëpunëtorëve të rinj, cilët do të jenë ata?

Alba Trade ka marrëveshje bashkëpunimi me disa nga kompanitë më të rëndësishme në botën e teknologjisë. Këtu dua të përmend Samsung, Xiaomi,Sony Play Station, Apple etj. Me këta kompani ne kemi marrëveshje përfaqësimi apo edhe marrëveshje eksluziviteti për distribucionin e tyre ne vendet e Ballkanit.

Alba Trade përveç furnizimit te rrjetit të retailit Nerptun International, kompani këto të grupit BALFIN, operon ndërkohë në vendet e tjera të rajonit, në rolin e distributorit duke mbuluar shitjet ne te gjitha kompanite e Retailit. Projekti i parë është mbyllur me sukses në Kroaci, dhe planet për 2022 janë për të hapur të njëjtën strukturë në Serbi dhe në Bosnje dhe Hercegovinë. Shpresojmë qe dhe situata aktuale ndërkombëtare të në mbështesë këto projekte.

Çfarë do të thotë për një kompani të krijuar nga një shqiptar, që të veprojë nga Vjena dhe të bashkëpunojë me partnerë të tillë ndërkombëtarë?

Pavarësisht se për ne suksesi i Alba Trade përbën një krenari, në biznesin ndërkombëtar ku ne operojmë prejardhja apo kombësia nuk kanë rëndësi. Në kohën e internetit që po jetojmë, shpejtësia e komunikimit, shkëmbimi i informacioneve brenda sekondit nga njeri kontinent ne tjetrin, i ka thyer me kohë këto barriera. Ne kemi ndërtuar një kompani që të jetë konkurruese në tregjet e Ballkanit, Bashkimit Evropian dhe në tregjet ndërkombëtare dhe këtë e kemi arritur dhe gëzojmë një reputacion shumë të mirë në të gjithë tregun nderkombëtar. Modeli i biznesit dhe tradita e kompanisë Alba Trade bën të mundur që personeli, qoftë ky i ri apo i vjetër në përvojë, të përfshihet shumë shpejt në proceset e vrullshme ditore, duke e bërë cilindo pjesë të suksesit të kompanisë. Stafi ynë ka krijuar një përvojë të konsiderueshme në konceptin e bizneseve internacionale.

Si ka qenë ecuria për 2021 dhe si parashikohet në 2022?

Viti 2021 ishte një nga vitet më interesante në historinë tonë. Megjithëse patëm shumë mungesë në furnizimin e mallit, tregu mori një zhvillim të atillë që na mundësoi të realizonim planin e buxhetuar, madje duke i tejkaluar parashikimet. Në terma financiarë në vitin 2021 Alba Trade ka realizuar një xhiro vjetore prej 75.6 milionë eurosh.

Viti 2022 është përsëri një enigmë, të cilën do të donim nga ana e situatës globale të qetësohej sa më shpejt. Shumë nga proceset e standardizuara tashmë kanë filluar të influencohen nga situata aktuale në rajon, për të cilën të gjithë ne jemi në dijeni. Ne besojmë që viti 2022 do të jetë përsëri i suksesshëm duke arritur objektivat tona në të gjitha drejtimet.