Këtu janë parashikimet, shenjë për shenjë, nga astrologu Vincenzo Laganà që noa.al jua sjell të përkthyera ekskluzivisht.

Prania e Diellit në shenjën e Binjakëve e bën këtë periudhë tejet dinamike. Mërkuri gjithashtu shton një risi: ndikimi i tij jep dëshirën për të eksperimentuar me mundësi dhe bashkëpunime të reja profesionale.

Shumë prej nesh do të kenë një dëshirë të fortë për të udhëtuar, për të kaluar më shumë kohë me miqtë dhe të njohurit. Marrëdhëniet njerëzore do të duhet të jetohen plotësisht duke zgjeruar njohjet. Lajm i shkëlqyer mbi financat për të gjitha shenjat.

Dashi (21 Mars – 20 Prill) – Shenjë e Zjarrit

Një qershor jashtëzakonisht pozitiv për punën, me mundësi të reja karriere që mund të ndryshojnë pozicionin tuaj shoqëror. Të ardhurat ekonomike janë në rrugë e sipër në sajë të Jupiterit dhe Marsit që ndikojnë nëpërmjet një fati që vjen ose nga një shans i kapur, ose shlyerjes së një borxhi të vjetër. Shitjet dhe ekonomia në tërësi ndikohen nga një pozitivitet i papritur. Veproni me më shumë vendosmëri dhe më shumë këmbëngulje, jini më të zgjuar dhe më pak të disponueshëm për njerëz me të cilët vetëm harxhoni kohë. Në dashuri tregohuni më të pranishëm me partnerin/en. Shëndeti është Ok.

Demi (21 Prill – 20 Maj) – Shenja e Tokës

Venusi vazhdon t’ju ketë në qendër të vëmendjes; në javët e ardhshme mund të arrini një pozicion të papritur profesional, shoqëruar me përfitim ekonomik. Përfitoni nga planeti për të gjetur bashkëpunëtorë të rinj ose për të rritur karrierën nëpërmjet bashkëpunimeve të reja. Mos e neglizhoni trupin, prania e Venusit në shenjën tuaj mund të jetë e dobishme për t’i dhënë një shtysë të re përmirësimit të trupit tuaj. Muajt ​​e fundit e keni lënë pas dore veten; Ky qershor është ideal për të filluar një dietë të shëndetshme dhe një aktivitet të ri fizik.

Binjakët (21 maj – 21 qershor) – Shenja e ajrit

Një ditëlindje shumë e veçantë: prania e Mërkurit ju çon në maja, veçanërisht nëse merreni me tregti, komunikim, udhëtime. Do të jetë një periudhë shumë e veçantë plot lajme, mundësi dhe bashkëpunime të reja profesionale. Nëse jeni në kërkim të dashurisë, nuk do të vonojë shumë, por nëse jeni gati të jetoni një përvojë të re dashurie, bëhuni gati të prekni qiellin me dorë. Lëreni mënjanë krenarinë dhe jini më pranë familjes; një vëlla më i madh mund të ketë nevojë për ju. Shëndeti, i mirë.

Gaforrja (22 qershor – 22 korrik) – Shenja e ujit

Marsi dhe Jupiteri mund të jenë arkitektët e vonesave të fundit në dashuri dhe punë. Javë të vështira për të përfunduar një bashkëpunim profesional apo për të përcaktuar një vendim që duhet marrë mbi një çështje ekonomike. Nuk është muaji i duhur për të investuar para, aq më pak për të bërë marrëveshje profesionale: rreziku është të mos i realizosh dot angazhimet e marra. Përkushtojuni kujdesit për trupin përmes vëmendjes më të madhe ndaj të ushqyerit, ndryshimit të pamjes dhe sportit. Ditë të favorshme për të bërë gjëra: 13 dhe 14 qershor.

Luani (23 korrik – 23 gusht) – Shenja e zjarrit

Do të keni një korrje fitimprurëse: më në fund do të përjetoni rimëkëmbjen e shumëpritur, në sajë të një rilindjeje të vërtetë profesionale dhe ekonomike. Prania e Saturnit ju ka bërë të fortë, rezistent, të aftë për të përballuar betejat më të vështira. Një dashuri e re, një pasion, një bashkëjetesë, e po ashtu për disa, ardhja e një fëmije: të gjitha këto janë situata që mund ta bëjnë jetën tuaj të lumtur. Edhe profesioni juaj do ju bëjë të prekni qiellin me dorë, gjëra të mira po vijnë nga puna. Shëndeti, veç lart!

Virgjëresha (24 gusht – 22 shtator) – Shenja e Tokës

Venusi vazhdon të mbështesë dashurinë: për disa të lindur në këtë shenjë po vjen një marrëdhënie e re emocionale, kurse për disa të tjerë, në vend të kësaj, një martesë ose bashkëjetesë. Pasion do të ketë për ata që janë në lidhje të reja dhe për ata që ndeshen me takime rastësore. Edhe çiftet që janë në lidhje të gjata mund të përballen me sfida të tilla. Në këtë qershor do të përjetoni një aktivitet seksual që do të mbizotërojë për disa javë rresht. Tregohuni më vigjilentë me paratë, mund të keni vrima në xhepa dhe ta lini veten të sulet drejt blerjeve të çmendura, ndaj hapni sytë e mos merrni për kot. Mbani zorrët nën kontroll, një dietë e shëndetshme është bërë tani, një domosdoshmëri.

Peshorja (23 shtator – 22 tetor) – Shenja e ajrit

Marsi vazhdon të ndikojë përmes një ngadalësimi që sjell në bërjen e gjërave në biznes. Më të prekur duket se janë të punësuarit, për të cilët edhe prej disa kohësh ndeshen me situatë të paqëndrueshme. Mos u shqetësoni, ndikimi i planetit të kuq tenton vetëm të ngadalësojë iniciativat: së shpejti do të përjetoni një rilindje të vërtetë. Jini të durueshëm dhe gjithçka do të jetë më mirë se më parë. Shihni shëndetin, një kontroll është i domosdoshëm pasi keni tendencë të neglizhoni fizikun tuaj. Ditë të favorshme për të nisur një projekt të ri: 17 dhe 18 qershor.

Akrepi (23 tetor – 22 nëntor) Shenja e ujit

Venusi nuk ndihmon, vështirësitë më të mëdha vijnë në dashuri dhe para. Jini më të vëmendshëm ndaj mirëqenies suaj psikofizike, nuk përjashtohet një rënie që mund t’ju bëjë nervoz dhe të paqëndrueshëm. Në dashuri vijnë lajme që mund të destabilizojnë marrëdhënien që keni. Nuk është momenti i duhur për të prishur gjërat e aq më pak për të nisur raporte të reja në çift. Urani gjithashtu nuk i lehtëson të ardhurat ekonomike: do të jenë javë të vështira për investime dhe negociata biznesi. Dita me fat: E shtuna 11 Qershor.

Shigjetari (23 nëntor – 21 dhjetor) Shenja e zjarrit

Sa herë që gjejmë Diellin dhe Mërkurin në dizavantazh të qartë me shenjën tuaj, gjithçka bëhet më e vështirë. Kjo nuk do të thotë se do të humbisni mundësi të rëndësishme, por se do t’ju duhet të shtoni më shumë energji se zakonisht për të arritur qëllimet tuaja. Edhe dashuria mund të vuajë nga disa keqkuptime, tregohuni më të durueshëm me partnerin/en. Në punë është më mirë të shtyni çdo angazhim të rëndësishëm për një datë tjetër për të mos humbur kohë të çmuar. Kujdes nga alergjitë ushqimore dhe problemet me rrugët respiratore.

Bricjapi (22 dhjetor – 20 janar) Shenja e Tokës

Një përzierje emocionesh nxjerr në dritë një periudhë jashtëzakonisht pozitive dhe risi të pajetuara më parë. Profesioni po merr sukses të merituar. Në javët në vijim vjen një lajm i shumëpritur, zgjidhja e një problemi të vjetër, lindja e një bashkëpunimi të ri apo një e ardhur shtesë. Të gjitha këto janë situata që mund ta bëjnë këtë periudhë jashtëzakonisht të favorshme. Kushtojini më shumë vëmendje shëndetit përmes aktivitetit fizik të shëndetshëm dhe një rrugë e dy punë sepse do të ndryshoni edhe pamjen tuaj.

Ujori (21 janar – 19 shkurt) – Shenja e ajrit

Jeni në qendër të vëmendjes, sa herë që Dielli dhe Mërkuri pozicionohen në një mënyrë me fat ju menjëherë ndjeni dëshirën për të marrë vrull aq sa e teproni. Është koha e duhur për t’i dhënë një shtytje të re imazhit tuaj, për të nxjerrë në pah atë që thellë brenda jush është diçka e mirë dhe të tregoni kështu më të mirën nga vetja. Këto janë javët e duhura për të thelluar një bashkëpunim profesional dhe për të nxitur ekonominë tuaj që të marrë një hov të ri. Yjet gjithashtu mund t’i japin një shenjë pozitive marrëdhënies suaj: një dashuri me shikim të parë po vjen. Ditët pozitive për të bërë gjëra: 21-22 qershor.

Peshqit (20 shkurt – 20 mars) Shenja e ujit

Qielli ju shoqëron pozitivisht në çështjet profesionale, madje do të dalin në dritë edhe disa të ardhura të papritura. Bëhuni më sipërmarrës dhe më pak sedentar në mënyrë që të mos humbisni mundësitë e ardhshme. Në dashuri mund të organizoni një festë surprizë për partnerin/en ose të përfitoni nga një fundjavë në qytet. Si familje, edhe aty një surprizë mund t’ju bëjë të lumtur. Aplikojeni pak më shumë sportin dhe rrini më pak në divan, rreziku është të shtoni peshë. Mos harroni gjithashtu se pikat tuaja të dobëta mbeten kyçet. /noa.al