Lajme të reja nga jeta private e Elon Musk. Prej disa muajsh, njeriu më i pasur në botë është në lidhje me Natasha Bassett. Të dy u kapën nga paparacët e "Daily Mail" në St.Tropez, ku ndodheshin në një arratisje romantike.

Imazhet tregojnë pronarin e Tesla në një drekë romantike në hotelin luksoz "Cheval Blanc". 50-vjeçari shfaqet i buzëqeshur dhe i relaksuar, më shumë se kurrë i pushtuar nga "flaka" e dashurisë së re. Sipas të mirëinformuarve, kjo lidhje vazhdon nga muaji shkurt i këtij viti.

Për të bërë bashkë Elon dhe Natasha kanë shërbyer disa miq të përbashkët. E lindur në vitin 1992, Nastaha Bassett është një aktore australiane. Pak më shumë se 18 vjeçe, ajo u transferua në SHBA dhe filloi të merrej me Hollywood.

Ajo është shfaqur në shumë filma; Camp, Hail, Caesar, Britney Ever After. Së fundi iu bashkua kastit të Elvis, filmit biografik të Presley, i cili do të shfaqet në ekranin e madh në fund të qershorit. Pak dhe thuajse asgjë nuk dihet për jetën e saj dashurore më herët.

Elon Musk është martuar dy herë dhe ka tetë fëmijë. Gruaja e tij e parë ishte Justine Wilson, një shkrimtare kanadeze e njohur në kohën e kolazhit. Së bashku patën gjashtë fëmijë, njëri prej të cilëve vdiq disa ditë pas lindjes.

Në vitin 2008 ndodhi divorci mes tyre dhe dy vite më vonë erdhi dasma me aktoren angleze Talulah Riley. Të dy u ndanë në vitin 2012 dhe më pas u përpoqën përsëri, por u ndanë përgjithmonë më 2014. Për një kohë, Musk ishte në lidhje me Amber Heard, ish-gruaja e Johnny Depp.