Transmetuar më 25-06-2022, 17:58

Tiranë- Një aksident u regjistrua pak pas mesditës në afërsi të TEG në Tiranë. Erald Totilla 40-vjeç, duke drejtuear motorin u përplas me një betoniere të drejtuar nga Astrit Halilaj që lëviste në këtë aks rrugor.

40- vjeçari u nis për në spital në gjendje të rëndë, por, me gjithë ndihmën e mjekëve, ai nuk mundi të mbijetonte dhe ndërroi jetë.

Mësohet se 40-vjeçari ishte një person i pasionuar pas motorave sportivë dhe garave.

Nuk dihen rrethanat e aksidentit.

Një grup hetimor ka administruar provat në vendin e ngjarjes dhe do përcaktojë shkaqet e rastit në fjalë.