Transmetuar më 10-08-2022, 15:00

Tiranë- Gazetarja Iva Tiço prej kohësh është në një lidhje dashurie me një partner të huaj. Megjithatë ajo ka vendosur ta mbajë partnerin e saj larg syrit të medias duke mos e zbuluar identitetin e tij.

Së fundmi ajo ka bërë një bisedë virtuale me ndjekësit e saj në “Instagram”, ku u pyet nëse ka pasur vështirësi në komunikim me partnerin, duke marrë parasysh se ai nuk është shqiptar.

“A ka qenë i vështirë komunikimi me bashkëshortin në fillim (jo në shqip)?”, e pyet ndjekësja.

Iva Tiço zbuloi në përgjigjen e saj se komunikimi me bashkëshortin e saj është ende i vështirë, duke marrë parasysh natyrën e saj.

“Është akoma i vështirë, sidomos për një natyrë si e imja që i kam gjërat të lidhura me të folurën, komunikimin dhe që i kushtoj vëmendje ngjyresave të fjalëve herë pas here bëhem shumë nervoze kur nuk e them dot me fjalë atë që kam në mendje në gjuhën tonë’, shkruan gazetarja e njohur.