Transmetuar më 21-09-2022, 19:10

Kosovë- Pas publikimit të lajmeve pë plane atentati ndaj tij, ka reaguar Kryeministri i Kosovës, Albin Kurti.

Sipas të dhënave, ndaj tij ishin planifikuar tre atentate.

Kurti është shprehur se nuk është i sigurt me vërtetësinë e këtyre atentateve, por se ai ndihet i sigurt.

Sipas kryeministrit Kurti, qëllimi ka qenë friksimi i popullsisë dhe destabilizimi i vendit.

“Sa jam i sigurt nuk e di, por unë mundem t’iu konfirmoj se ndihem i sigurt. Ndërkaq sa jam i sigurt e vendosin organet e sigurisë që i marrin masat adekuate. Është e vërtet që unë kam qenë në dijeni të planit për ato tri atentatet, por e keni parë edhe nga informacioni që ka dal, se qëllimi ishte frikësimi i popullsisë, destabilizimi i vendit”.

I pyetur në lidhje me të ashtuquajturën “kornizë të re” të dialogut me Serbinë, ai nuk pranoi ta komentojë.

“Qarkullojnë dokumente të ndryshme, por unë besoj se nuk është e dobishme dhe e drejtë që unë t’i komentoj ato. Dokumente të cilat nuk kanë autorë por bëhen për të matur pulsin e qytetarëve dhe politikanëve. Mirëpo dialogu ku unë marrë pjesë janë ato bisedime e takimeve në Bruksel dhe vetëm atje dokumentet që prodhohen duhet t’i merrni si zyrtare dhe të denja për t’u komentuar nga ana ime dhe unë nganjëherë do të thosha edhe nga ana juaj. Nuk është mirë të bëjmë komente për komente, autori i të cilave nuk dihet”, tha Kurti.