Paola Ferrari ka folur për ndarjen mes Francesco Totti dhe Ilary Blasi. Gazetarja sportive e "Rai" ka rrëfyer momentin kur lidhja mes të dyve filloi të plasaritet.

“Kam parë disa momente. Gjithçka filloi kur ai u largua nga futbolli. Francesco përjetoi një moment shumë të komplikuar, kur duhej të shkonte në Miami për të luajtur me Nestën.

Ua kishte thënë këtë edhe fëmijëve të tij. Ilary ngulmoi të qëndronte në Itali, sepse kujdesej shumë për punën e saj. Ajo nuk ia miratoi dëshirën profesionale të shoqit në atë moment të vështirë për të.

Ilary Blasi vazhdoi në mënyrë egoiste, por edhe korrekte në rrugën e saj. Ky ishte fillimi i problemeve mes tyre”, – tha gazetarja dhe prezantuesja e "Rai".

Çfarë tha miku i "Pupone"?

"Që Ilary nuk ndjente më dashuri ishte mjaft e dukshme. Një shembull: në muajt e parë, Francesco më tha se Blasi kthehej nga Milano dhe gjithmonë thoshte se kishte dhimbje koke. Nuk e di se si ia dolën të vazhdojnë 20 vite bashkë”. Kështu, Alex Nuccetelli, miku i vjetër i Francesco Tottit, rikthehet për të folur mbi marrëdhënien mes ish-kapitenit të Romës dhe Ilary Blasi.

I intervistuar nga Turchese Baracchi në programin "Turchesando", miku i Tottit, i autorizuar nga ish-futbollisti për të folur për shtypin, zbuloi detaje të papublikuara në lidhje me mirëkuptimin seksual të ish-çiftit. Më pas ai shtoi: “Nëse shkon në shtëpi dhe gruaja jote ka gjithmonë dhimbje koke (shtiret), për vite me radhë, e konsideroj legjitime të mendosh për rindërtimin e një jete diku tjetër.

Pastaj, secili vazhdon jetën e vet dhe e bën atë për hir të fëmijëve të tij. Në momentin e parë të dobësisë që nuk është parë kurrë nga bashkëshorti juaj, duhet të qëndroni pranë tij”. Një moment i vështirë, sidomos për Tottin që duket se ende nuk e ka metabolizuar plotësisht ndarjen:

"Për Francesco është një fazë e komplikuar, nuk është një moment i bukur. Ndarja e tyre duket si një tragjedi. Ka fërkime. Avokatët do të duhet të bëjnë pjesën e tyre dhe ata vetë duhet të përpiqen të vënë dorën në ndërgjegje. Nëse do të ishte në dorën e Francesco, kjo martesë nuk do të kishte përfunduar. Ju gjithashtu mund të bëni një arratisje, por zemra e tij do të kishte mbetur gjithmonë dhe vetëm besnik ndaj familjes”.

Totti e humbi durimin edhe për shkak të pranisë së tepërt të familjes Blasi në shtëpinë e tij. Nuccetelli është i bindur për këtë: “E di që ka kaluar momente shumë të vështira në atë shtëpi, që ishte monopolizuar nga familja Blasi. Fiorella, nëna e Tottit, ishte shkatërruar. Si ajo, ashtu edhe babai dhe vëllai i Francesco e frekuentonin shumë pak atë shtëpi. Nëse e ka denoncuar vjedhjen e Rolex, është sepse ka arritur kufirin e durimit”.

Për një gjoja njohje të Blasi me një të pasur, Nuccetelli shprehet: “Një burrë në katet e fundit të Mediaset? Nuk e di që e ka ende tani, por për mua kishte një histori atje. Ju nuk e dini sa gjëra të tjera kemi dëgjuar këtu në Romë”.

Së fundi, për marrëdhënien mes Tottit dhe Noemi Bocchi, miku i "Pupone" bekon marrëdhënien mes të dyve: "Noemi? Kur kaloni momente vetmie të mëdha, i lejoni një gruaje më shumë shanse të hyjë në zemrën tuaj. Mendoj se janë shumë mirë bashkë”.