Gruaja që ka lindur 11 fëmijë në 10 vjet dëshiron të ketë më shumë. Dhe ia doli. Tani Cambria, fëmijën e saj të dymbëdhjetë.

“Sa më shumë, aq më mirë”, thotë Courtney Rogers, e cila ka lindur çdo vit që nga viti 2010 dhe më e gjata që ka kaluar pa shtatzëni është vetëm nëntë muaj.

Courtney Rogers, 37 vjeçe, u martua me bashkëshortin e saj Chris, 34 vjeç, në tetor 2008 pasi u takuan përmes miqve të përbashkët.

Pas dy vjet martesë, Rogers mirëpritën fëmijën e tyre të parë.

Dhe që atëherë, Courtney ka sjellë në jetë një fëmijë çdo vit dhe u bë nënë e 11 fëmijëve.

Por ajo e ka bërë të qartë qëllimin e saj për të pasur më shumë fëmijë. Ajo nuk do të ndalet derisa të ketë të paktën 14 fëmijë.

Më e gjata periudhë që ajo ka kaluar pa mbetur shtatzënë është vetëm nëntë muaj.

Ata kishin gjashtë djem dhe pesë vajza me më të voglin e lindur në nëntor 2020. Kurse në 7 mars 2021 erdhi në jetë Cambria.

Fëmijët e tyre janë Clint, 11, Clay, 10, Cade, 9, Callie, 8, Cas, 7, binjakët Colt dhe Case, 6, Kalena, 5, Kindy, 4, Coralie, 3, Harris, 1.5 vjeç dhe Cambria, sot më 7 nëntor, 8 muajshe.

Ata janë të gjithë të shkolluar në shtëpi nga Courtney në fermën e tyre prej 12 hektarësh në Santa Fe County, New Mexico.

“Më pëlqen t’i kem prabë gjatë gjithë kohës dhe t’i shikoj të mësojnë dhe të di se çfarë po mësojnë.

Unë mund t’ia përshtat mësimet çdo fëmije dhe nuk kam pse t’i bëj të ulen me orë të tëra gjatë gjithë ditës.

Më pëlqen që kanë mësim fleksibël dhe fëmijët mund të vrapojnë jashtë ose të ushqejnë qengjat ndërmjet orëve të mësimeve,” thotë Courtney.

Prindërit gjithashtu janë shkolluar në shtëpi dhe këmbëngulin se kjo është mënyra më e mirë për të edukuar fëmijët e tyre.

Chris gjithashtu vjen nga një familje e madhe ku është më i madhi nga dhjetë fëmijët.

Courtney është më e madhja nga gjashtë fëmijët në familjen e saj.

"Ne duam të jemi si filmi "Cheaper by the Dozen", ku prindërit komprometojnë karrierën e tyre për të rritur dymbëdhjetë fëmijë," tha Courtney për Sun.

"Të kesh shumë fëmijë në pelena në të njëjtën kohë dhe të kesh shumë karroca – kjo është një jetë normale për ne."

Chris është një pastor, ndërsa Courtney është një nënë që qëndron në shtëpi. Ndonjëherë ai u mëson fëmijëve vendas në shkollën e katekizmit të kishës.

Së bashku me fëmijët, ata duhet të kujdesen edhe për fermën e tyre, e cila është shtëpia e dy qengjave, qenve dhe pulave.

Courtney dhe Chris kanë shumë gojë për të ushqyer. Faturat mujore të familjes ushqimore shkojnë deri në 1200 dollarë.

Në fillim të këtij viti, familja u detyrua të ndërpresë të gjitha aktivitetet që do t’i kushtonin ekstra, të tilla si të ngrënit jashtë dhe blerjet e panevojshme, për të përballuar jetesën.

Fëmijët veshin rroba të përdorura dhe familja nuk blen dhurata për Krishtlindje për njëri-tjetrin, gjë që u kursen lehtësisht mijëra dollarë.

Në vend të kësaj, ata bëjnë një udhëtim vjetor kampingu dhe vizitojnë të afërmit e tyre që jetojnë në Gjeorgji.

Pushimet e kësaj jave kampingu me shpenzimet e udhëtimit dhe shpenzimet e tjera u shkojnë atyre 1000 dollarë.

Ata shpesh kritikohen se kanë kaq shumë fëmijë, aq afër njëri-tjetrit.

"Njerëzit më pyesin se si mund t’u kushtoj vëmendje të mjaftueshme të gjithë fëmijëve të mi. Nuk e kuptoj logjikën e tyre kur jam pranë fëmijëve të mi 24 orë në ditë”.

Ajo ka bërë shtatë lindje normale dhe tri prerje cezariane, njëra prej të cilave ishte kur bëri binjakë.

Nëna e 12 fëmijëve gjithashtu pati dy aborte. “Më pëlqen të jem shtatzënë. Më pëlqen që një person tjetër të rritet brenda meje, të mendoj se si do të jenë dhe të zgjedh emrat”, tha ajo dhe beson se “sa më shumë aq më mirë”.

Gruaja pohon se nuk është aspak penduar që ka kaq shumë fëmijë.

Historia më emocionuese e Courtney është se si ajo solli në jetë djalin e saj të tretë, Cade.

“Kam filluar të kem kontraktime në datën e tij të lindjes”, kujton ajo. "Unë isha zgjeruar tashmë 3 cm, por befas kontraktimet u ndalën dhe infermierja u udhëzua të më dërgonte në shtëpi."

Por më vonë atë natë, ajo u zgjua me dhimbje torturuese.

“Telefonova përsëri spitalin dhe më thanë të shkoja, kështu që dola të ikja atje, por kur arrita te makina, nuk mund të shkoja më tej. Kishte ardhur koha për të lindur”, tha ai.

Ajo përfundoi duke lindur Kejdin në rrugë pikërisht në kohën e duhur që shërbimet e urgjencës të mbërrinin për ta ndihmuar.

Courtney ndan aventurat familjare në Instagram, si dhe në faqen e saj të internetit. /noa.al