Tiranë- Ministrja e Financave, Delina Ibrahimaj i ka dhënë përgjigje sot pyetjes se deri kur ky Bord do të vazhdojë të funksionojë. Sipas Ibrahimajt, Bordi i Transparencës do të funksionojë deri kur çmimet e karburanteve të ulen nën mesataren e zakonshme në tregun ndërkombëtar.

“Do vijojmë të mbajnë bordin e karburanteve për sa kohë çmimet e karburanteve do të jenë më të larta se mesatarja. Kur të ulen këto çmime do të dalim nga funksionimi i këtyre bordeve”, tha Ibrahimaj.

Bastet sportive/ Brenda 3 muajve priten ndryshimet ligjore, ja çfarë parashikohet Ndër të tjera ajo tha se në vitin e ardhshëm parashikohet një rritje e ekonomisë në 2.6% bazuar në treguesit e deritanishëm dhe ato të ekonomisë së huaj.

“Ne presim që ekonomia shqiptare të vijojë të performojë pozitivisht edhe në tre mujorin e katërt. Vitin e ardhshëm faktorët tregojnë për një parashikim që kemi bërë për një rritje në 2.6% bazuar në treguesit e deritanishëm të ekonomisë dhe treguesit e ekonomisë së huaj”, tha ministrja.

Prej nisjes së funksinimit të tij, Bordi i Transparencës ka ngjallur shumë debate në lidhje me vendosjen e çmimeve të karburanteve.