Transmetuar më 15-01-2023, 14:06

Kosovë- Ngjarje e trishtë në Kosovë.

Mësohet se një pacient është hedhur nga dritarja e ndërtesës së Spitalit Klinik dhe Universitar duke ndërruar jetë në vend. Sipas policisë, stafi mjekësor i ka ardhur menjëherë në ndihmë, por pa mundur ta shpëtojë.

Qendra Klinike Universitare e Kosovës, njofton se nga ekipi mjekësor i Klinikës së Kirurgjisë Torakale, është njoftuar se sot në orët e mëngjesit, një pacient është hedhur nga dritarja e klinikës.

Menjëherë janë ndërmarrë masat e nevojshme për ofrimin e ndihmës mjekësore, por përkundër masave reanimatore dhe ndihmës së vazhdueshme nga stafi i Klinikës Emergjente me mjekë konsultantë nga klinikat e tjera, për shkak të plagëve, pacienti nuk ka arritur të mbijetojë.

Për rastin janë informuar organet policore dhe ato të hetuesisë, të cilat po merren me të.