Tiranë- Sekretari i Përgjithshëm i Partisë Socialiste, Damian Gjiknuri, tha sot se kjo parti është në proces konsultimi për kandidatët.
“Jemi në proces konsultimi. Është një garë e një ekipi të tërë politik. PS është shumë e organizuar. Po merret opinioni i qytetarëve për profilin e kandidatit që duhet.
Një pjesë e kryetarëve aktualë e meritojnë të rikandidojnë. Nuk i trembemi koalicionit opozitar, kemi vite që përballemi me të,” tha Gjiknuri.
Sekretari i PS gjithashtu zbuloi emrin që do të kandidojë në Shkodër.
“Kemi përballë një opozitë të përçarë me figura të ricikluara. Është një moment shumë i mirë edhe për Shkodrën. Kemi një kandidat serioz. Benet Beci është kandidat,” u shpreh ai.
Ndërsa po ashtu për Bashkinë e Elbasanit, Gjiknuri tha se fitorja nuk diskutohet.
“Gledian Llatja do të fitojë, nuk diskutohet fitorja e tij.
Ndërsa nuk ka asnjë gjë zyrtare përsa i përket Bashkisë së Durrësit,” tha Gjiknuri.