Elbasan- Një aksident me vdekje ka ndodhur në orët e vona të mbrëmjes në qytetin e Elbasanit. Mjeti ka përplasur një këmbësor në unazën jugore dhe është larguar nga vendi i ngjarjes.

Kalimtarë të rastësishëm kanë njoftuar policinë dhe ambulancën që kanë mbërritur në vendin e ngjarjes.

Megjithëse është transportuar për në spital, këmbësori ka vdekur.

Sipas dëshmitarëve okularë, qytetari ka qenë duke kaluar në vijat e bardha të rrugës, kur është përplasur nga automjeti. Këmbësori ende nuk është identifikuar.

Policia po punon për identifikimin dhe kapjen e autorit të mjetit.

Për këtë qëllim po shfrytëzohen kamerat e shumta të bizneseve përgjatë unazës jugore të qytetit. noa.al