Dashuria nuk është dashuri nëse nuk të bën të vuash. Provoni të pyesni Shakirën, e cila shkroi një këngë hakmarrjeje, por tani provoni të pyesni edhe Clara Chìa Marti. Thashethemet spanjolle janë të pamëshirshme. Gerard Pique, në fakt, duket gati për një skandal të ri.

Disa burime pranë ish-mbrojtësit të Barcelonës sigurojnë se ai tashmë e ka tradhtuar Clara Chìa Marti me një femër tjetër. Ajo është avokate, kushërira e një ish-futbollisti të Barcelonës dhe bashkëlojtar i ish-mbrojtësit. Ajo quhet Julia Puig Gali dhe është “flaka” e re e Piqué.

Trekëndëshi i ri i dashurisë supozohet se u zbulua nga gazetari spanjoll Jordi Martín, i cili publikoi profilin e gruas në Instagram, duke etiketuar drejtpërdrejt Piqué: "A e njeh këtë, Gerard? Pra, mos u habit nëse Shakira hedh gjithë botën kundër teje". Sapo lajmi filloi të qarkullonte, juristja shumë e re vendosi ta bënte privat profilin e saj në Instagram.

Cila është Julia Puig Gali? E treta nga dy palët ndërgjyqëse. Ajo është 25 vjeçe, juriste me diplomë master në të drejtën penale ekonomike. Jo vetëm kaq, ajo ishte gruaja që punoi drejtpërdrejt për divorcin mes Shakira dhe Pique, padyshim duke mbrojtur ish-mbrojtësin. Ajo është kushërira e futbollistit Riqui Puig, ish-shokut të skuadrës së Gerard Pique te Barcelona.

Ka shumë versione të ndryshme të kësaj gjoja "tradhtie të re", ndër to edhe fakti se Gerard Piqué do të ishte takuar tashmë me Julia Puig Galin tri vite më parë. Një marrëdhënie që do të kishte nisur pra shumë përpara asaj me Clara Chia Marti. Disa dëshmitarë i bëjnë të ditur revistës së thashethemeve “Socialité” se të dy shkonin shpesh për të kërcyer së bashku dhe në ato mbrëmje rrinin në dhomat private. “Të gjithë e dimë se çfarë ndodhi atje”, – sugjeron burimi i fshehtë anonim.