Shumë njerëz ndihen të lodhur ose të dobësuar në një moment gjatë ditës. Mungesa e energjisë mund të ndikojë në aktivitetet tuaja të përditshme dhe t’ju bëjë më pak produktivë.

Ndoshta nuk është për t’u habitur, lloji dhe sasia e ushqimit që ju hani luajnë rol thelbësor në përcaktimin e niveleve tuaja të energjisë gjatë ditës.

Këtu keni disa produkte që janë provuar se ndihmojnë në ngritjen e niveleve të energjisë.

1.Banane

Bananet mund të jenë një nga ushqimet më të mira për energji. Ato janë një burim i shkëlqyeshëm i karbohidrateve komplekse, kaliumit dhe vitaminës B6. Të gjitha këto mund të ndihmojnë në rritjen e niveleve të energjisë tuaj.

2.Peshq të yndyrshëm

Peshqit e yndyrshëm si salmoni dhe toni janë burime të mira të proteinave, acideve yndyrore dhe vitaminave B, duke i bërë ato ushqime të shkëlqyera për t’u përfshirë në dietën tuaj.

Një racion salmon ose ton ju ofron sasinë e rekomanduar ditore të acideve yndyrore omega-3 dhe vitaminës B12.

3.Patatet e ëmbla

Përveç që janë të sshijshme patatet e ëmbla janë një burim ushqyes energjie për ata që kërkojnë një shtim shtesë.

Një racion me 100 gramë patate të ëmbla mund të ketë deri në 25 gramë karbohidrate komplekse, 3.1 gramë fibra, 25% të RDI për mangan, dhe një sasi prej 564% të RDI për vitaminën A.

4.Vezët

Vezët nuk janë vetëm një ushqim jashtëzakonisht i kënaqshëm, por edhe plot energji që mund t’ju ndihmojnë të gjallërojnë ditën tuaj.

Ato janë të mbushura me proteina, të cilat mund t’ju japin një burim të qëndrueshëm të energjisë.

5.Orizi kaf

Orizi kaf është një ushqim shumë i shëndetshëm. Krahasuar me orizin e bardhë, është më pak i përpunuar dhe ruan më shumë vlera ushqyese në formën e fibrave, vitaminave dhe mineraleve.

6.Mollët

Mollët janë një nga frutat më të njohura në botë dhe janë një burim i mirë i karbohidrateve dhe fibrave.

Një mollë e mesme (100 gramë) përmban rreth 14 gramë karbohidrate, 10 gramë sheqer dhe deri në 2.1 gramë fibra.

7.Çokollatë e zezë

Çokollata e zezë ka një përmbajtje më të lartë të kakaos sesa çokollata e zakonshme ose e qumështit.

Antioksidantët në kakao kanë treguar se kanë shumë përfitime shëndetësore, të tilla si rritja e rrjedhës së gjakut në të gjithë trupin tuaj.

Ky efekt ndihmon në shpërndarjen e oksigjenit në tru dhe muskuj, gjë që përmirëson funksionin e tyre.

8.Thjerrëzat

Përveç që janë një burim i shkëlqyeshëm i proteinave, thjerrëzat janë një burim i mirë i ushqyesve dhe ndihmojnë në rritjen e niveleve të energjisë.

Thjerrëzat janë bishtajore që janë të pasura me karbohidrate dhe fibra. Një filxhan thjerrëza të gatuara sigurojnë deri në 36 gramë karbohidrate dhe rreth 14 gramë fibra.

9.Avokado

Në sajë të të gjitha përfitimeve të tyre të rëndësishme shëndetësore, avokadot konsiderohen të jenë superushqim.

Për shembull, ato janë të pasura me yndyrna të shëndetshme, vitaminë B dhe fibra. Rreth 84% e yndyrnave të shëndetshme në avokado vijnë nga acide yndyrore mono të pangopura.