TIRANË- Imamit Ahmed Kalaja, i është ndaluar hyrja në Maqedoninë e Veriut. Lajmin e ka bërë me dije vetë Kalaja përmes një postimi në Facebook.

Kalaja ka postuar dy foto që tregojnë një dokument dhe kërkon që institucionet shqiptare të reagojnë për këtë gjë.

Imami shkruan se ka udhëtuar në shumë shtete të botës dhe nuk i ka ndodhur kjo që si në Maqedoninë e Veriut.

Ai përmend dhe faktin që ky vend është pjesë e Ballkanit të Hapur, por shton se kjo nismë është shumë e bukur për të qenë e vërtetë pasi kalime pa pengesa, duket se nuk ka.

Postimi:

Open Ballkan; Ballkani i Hapur sa e bukur për të qenë e vertetë; që një ditë të kalonim kufijtë pa pengesa.

Kam udhëtuar kudo në Evropë edhe Britani edhe asnjë pengesë.

Mirëpo politikat shoviniste të Shtetit të Maqedonisë se Veriut ndaj shqiptarëve nuk kanë të sosur.

Pavarësisht se isha i ftuar zyrtarisht edhe të gjitha institucionet ishin në dijeni. Arsyeja e ndalimit shprehet në letër; e normalisht nuk ke ku të ankohesh vetëm se te Zoti; që tjua japë hakun atyre ndaj kësaj sjellje të papreçedentë arrogante monstruoze.

Ndoshta Insitucionet e përfaqësimit të Islamit në dy shtetet, avokati i popullit, ministria e jashtme, shteti, do të reagojnë. Ndjesë besimtarëve edhe qytetarëve të Shkupit ndaj politikave monstruoze të atyre që i udhëheqin. Agjërim të pranuar e mos i harroni nga duatë ata po edhe ne që me zemër të përmalluar u nisa për të ju e nuk erdha dot.