Një vit pasi PSG bëri të pamundurën për të rinovuar me të, Kylian Mbappé po rishikon sërish të ardhmen e tij në Paris. Sipas informacioneve nga “L’Équipe”, sulmuesi në këtë moment nuk ka ndërmend të rinovojë deri në vitin 2025, përmes aktivizimit të një klauzole të njëanshme, e nënshkruar ditën kur u zgjat marrëveshja.
Kjo do ta lejonte atë të vazhdonte me klubin parizien edhe një vit. Edhe pse në fillim u njoftua se kishte rinovuar për tri sezonet e ardhshme, ai e bëri këtë për dy dhe një tjetër opsional. Klauzola ka një datë skadimi.
Mbappé duhet ta ekzekutojë atë përpara 31 korrikut 2023, kështu që, nëse nuk e bën, PSG do të gjendet në të njëjtën situatë si në vitin 2021, kur sulmuesi nga Bondy kërkoi largohej te Real Madridi, por arriti ta mbante atë me një kontratë faraonike.
“Skenari është ndryshe”, – thotë “L’Équipe”, që thekson se në vjeshtë, Mbappe i kërkoi bordit të largohej, megjithëse tensioni mes dy palëve tashmë është qetësuar. Vendimi i Mbappe për të mos e ekzekutuar klauzolën e rinovimit të njëanshëm çon në presion të madh për klubin e tij, PSG, gjatë merkatos së ardhshme.
Pas një viti të dështuar, me Luis Campos në krye, liderët aktualë të Ligue 1 nuk mund të përballojnë një tjetër gabim. Nëse nuk arrin t’i japë garanci sportive, zgjatja e kontratës së tij, pavarësisht se do të duhej edhe një vit që të lirohej, mund të krijojë një klimë pasigurie të madhe në Paris.
Sipas “L’Équipe”, PSG mbetet e sigurt në vazhdimësinë e Mbappé. Klubi është i vetëdijshëm se ka dështuar në vitin e parë të kontratës së re të yllit të vet, por në verë do të përpiqet të zbusë gabimet e së shkuarës. Klubi do t’i japë më shumë besim Luis Campos, firmosi me të pikërisht për shkak të afërsisë me Mbappe, dhe tashmë po punon për merkaton e verës së ardhshme.
Nëse portugezi, shumë i kritikuar për nënshkrimet e tij, mbetet në detyrë, kjo ndodh sepse një largim mund të nënkuptojë ftohje totale me Mbappé. Në vjeshtë, pikërisht kur doli “bomba” se dëshironte të largohej nga PSG në dimër, ishte Campos ai që e qetësoi sulmuesin, me të cilin ruan një marrëdhënie të rrjedhshme dhe të përzemërt.
Megjithatë, qëllimi i futbollistit është i qartë: për momentin nuk ka ndërmend ta ekzekutojë klauzolën e rinovimit. Deri më 31 korrik, pak ditë para fillimit të sezonit dhe me një merkato të avancuar të verës, Mbappe do të duhet të vendosë.
Nëse ai nuk rinovon, nuk do të thotë se nuk mund ta bëjë një vit më vonë, por PSG-ja do të duhet të negociojë drejtpërdrejt me rrethin e tij dhe vetë lojtarin, me të cilin ka bërë të pamundurën dy vite më parë, madje duke ndërmjetësuar përmes Emmanuel Macron, President i Republikës.
🗞️ La une du journal @lequipe du mercredi 24 mai
Lire l'édition à partir de 00h30 sur votre site > https://t.co/cNWb8X8tHF pic.twitter.com/yrF941iKCl
— L'ÉQUIPE (@lequipe) May 23, 2023