Sergio Rico pësoi dëmtim serioz në kokë, pasi u rrëzua nga një kalë në "El Rocío". Portieri i PSG është shtruar në spitalin "Virgen del Rocío" të Seville. Në raportin mjekësor flitet për një gjendje të rëndë (brenda kualifikimeve qëndron ‘shumë e rëndë’ dhe ‘kritike’).
Futbollisti 29-vjeçar ka pësuar aksident me kalin e tij dhe është dashur të evakuohet urgjentisht me helikopter nga shërbimet shëndetësore në spitalin e sipërpërmendur, pasi ka rënë në tokë dhe është shkelur nga kafsha në zonën e qafës.
Futbollisti është dashur të intubohet pas traumës së pësuar dhe mbahet në vlerësim të rreptë mjekësor. Sergio Rico u thirr të shtunën me skuadrën pariziene për ndeshjen e parafundit të kompeticionit vendas në Francë, e cila u luajt në Strasburg, ku barazoi dhe u shpall kampione e Ligue 1.
Andaluziani pas kësaj ndeshjeje u zhvendos në El Rocío, ku pikërisht pësoi fatkeqësinë që çoi në transferimin e tij në spitalin sevillian. Portieri në fjalë, pasi kaloi te Sevilla, luajti edhe te Fulhami anglez, më vonë u rekrutua nga PSG, i cili sezonin e kaluar e huazoi te Real Mallorca, për t’u rikthyer te skuadra pariziene, ku është zëvendësues i rregullt i Donnarumma.
Paris Saint-Germain learned of the accident involving its player Sergio Rico on Sunday and remains in constant contact with his loved ones.
The entire Red and Blue community offers them its full support.
— Paris Saint-Germain (@PSG_English) May 28, 2023