Transmetuar më 23-10-2018, 19:53

Një djalë 11-vjeçar nga Kolorado ka humbur jetën duke bërë sfidën virale dhe të rrezikshme që është përhapur kohët e fundit në Youtube, që ka të bëjë me privimin e oksigjenit.

Tia Bodkins rrëfeu se djali i saj, Carson shkoi në dhomën e tij për të paketuar rrobat për një udhëtim me familjen.

10 minuta më vonë, ajo e gjeti pa ndjenja në tokë dhe filloi t’i bënte veprimet e ndihmës së shpejti.

Vogëlushi ndërroi jetë në spitalin e fëmijëve Elizabeth pasi mjekët thanë se në trurin e tij ka munguar oksigjeni për një kohë të gjatë.

Më vonë u zbulua se ai po bënte lojën online që sfidon fëmijët të mbajnë vendosin duart në fyt tek vetja apo tek të tjerët për të humbur vetëdijen për disa sekonda.

Tia, e cila mendonte se i biri po mësonte disa taktika të përdorimit të dërrasës së "skateboard" po përhap paralajmërime tek prindërit që të monitorojnë aktivitetin e fëmijëve.