Kryeministri Rama mendon se protesta e djeshme ishte një goditje ndaj Shqipërisë në sytë e botës.

Në një reagim në Twitter, kreu i qeverisë ka shkruar se opozita nuk arriti të godasë mazhorancën, por e bëri me Shqipërinë.

“Çfarë trishtimi pasqyra e shëmtisë së djeshme nëpër mediat e dynjasë!

Politika qorre e një opozite pa vizion, pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE”, shkruan Rama.

Ndërkohë dje kreu i qeverisë organizoi një takim në Vlorë, në të cilin shpesh herë thumboi opozitën. /k.k/noa.al/