Vazhdojnë largimet nga radhët e Partisë Demokratike. Në Komisionin Qendror të Zgjedhjeve ka dorëzuar formularin e dekriminalizimit, kandidati i PD-së në Qarkun e Tiranës, Erion Piciri.

Ky i fundit ka garuar në zgjedhjet e shkuara me numrin 26 në listën e PD-së, në Tiranë, ndërkohë që më datë 15 ka paraqitur kërkesën në Komisionin Qendror të Zgjedhjeve për të marrë mandatin e deputetit.

Erion Piciri ka qenë kandidat edhe në zgjedhjet e brendshme në PD. Ai rivalizoi Lulzim Bashën në garën e fundit elektorale, por nuk mori mbështetjen e mjaftueshme nga baza demokrate.

Pas vlerësimit nga Komisioni Qendror i Zgjedhjeve, Piciri do të betohet në Kuvend si deputet e ligjvënës. Aktualisht në Kuvendin e Republikës janë 102 deputetë.