Loading...
Pesë persona bllokohen në shpellën e Pëllumbasit
Transmetuar më 21-04-2019, 18:06

Një grup prej pesë personash  janë bllokuar për të paktën 3 orë në shpellën e Pëllumbasit, në kanionet e Erzenit.

Ata kishin dalë për të bërë ecje, por janë bllokuar pasi njëri prej tyre ka dëmtuar këmbën.

Urgjenca mjekësore dhe policia shkuan deri diku përreth vendngjarjes por ndërhyrja është e pamundur për shkak të terrenit të vështirë.

Personi që ndrydhi kaviljen mësohet të jetë 42 vjeçari, Gazmend B., i cili raportohet të jetë në gjendje të rënduar.

Ndërkohë, në një telefonatë me televizionin informativ Nees24, njëri prej tyre ka thënë se është e vështirë lëvizja me barelë e të sëmurit.

“Po na mbaron bateria. Është e vështirë lëvizja me barelë e të  sëmurit”, ka thënë ai gjatë telefonatës.

Loading...
Loading...