Njolla të errëta nën sqetull?Tre zgjidhjet e thjeshta për ju
Transmetuar më 03-08-2019, 07:43

Njollat e errëta nën sqetull janë një shqetësim i vërtetë, pasi ndodh që mbeten edhe pas depilimit.

Këto njolla mund të shkaktohen nga depilimi me brisk, djersitja e tepërt, qelizat e vdekura, por edhe nga përdorimi i deodorantëve me bazë të fortë alkooli.

Por çdo problem e ka një zgjidhje dhe në këtë rast janë tre zgjidhje që ju vijnë në ndihmë të cilat kanë në bazë limonin, patatet dhe sodën e bukës.

Merrni gjysmë kokrre limoni dhe fërkojeni nën sqetulla dhe lëreni të veprojë për 10-15 minuta, ndërsa më tej shpëlahuni normalisht me ujë. Një veprim të tillë bëjeni tre herë në javë dhe do të shihni rezultatin e shpresuar.

Prisni një fetë patate dhe vendoseni nën sqetull duke e mbajtur për 20 minuta, ose me një copë pambuku mund të aplikoni lëngun e një patateje të grirë. Një veprim të tillë mund ta praktikoni çdo ditë.

Edhe soda e bukës e përzierë me ujë në trajtë të trashë dhe pak kripë, duhet aplikuar në sqetull dhe duhet mbajtur për 15 minuita. Më tej fërkojeni deri sa të shkoqet. Kjo është një zgjidhje mjaft efektive, ndaj mos ngurroni që ta përdorni. /a.y/noa.al

Loading...
Loading...