Një ari ka hyrë në një banesë në Kaliforni, teksa brenda ndodheshin dy adoleshentë.
Kafsha gjigante sapo u fut shkoi drejt frigoriferit për të ngrënë.
Ariu hyri në banesën në Truckee, Kaliforni përmes derës së garazhit, ndërsa një kamera kapi momentin kur ariu shëtiste në kuzhinë dhe dhomën e ndenjes.
15-vjeçari Hayes Sherman dhe shoku i tij sapo dëgjuan hapat e ariut dhe zhurmën që shkaktoi kafsha kur u fut brenda banesës shkuan në drejtim të derës.
Ata e mbajtën me forcë në mënyrë që ariu të mos futej brenda.
Kafsha mori në frigorifer, akullore e biskota dhe i hëngri në divanin në dhomën e ndenjes.
Hayes përdori orën e tij të Apple për të telefonuar nënën e tij, e cila po flinte në katin e dytë, për ti treguar që një ari ishte futur në shtëpi dhe të mos zbriste nga shkallët. Më pas 15-vjeçari telefonoi policinë, që mbërriti pas 15 minutash duke bërë të mundur nxjerrjen e ariut nga banesa pa u dëmtuar askush. /k.k/noa.al/