Aleanca për Mbrojtjen e Teatrit i rikthehet protestave pas shembjes së Teatrit Kombëtar ditën e dielë.
Edhe pse nuk ishte parashikuar më herët, është njoftuar përmes rrjeteve sociale një protestë sot në orën 19:30.
“Vepra u krye dhe sot kanë filluar të mbulojnë skenën e krimit duke rrethuar pronën e Teatrit Kombëtar!
Nuk do të lejojmë të fillojnë punimet!
Duam Drejtësi për shkatërrimin e Teatrit dhe dhunimin e demokracisë”, thuhet në statusin e Aleancës.
Kjo është protesta e tretë që nga rrëzimi i godinës, teksa ka filluar edhe mbledhja e firmave në çdo qytet për rindërtimin e Teatrit.
Një të tillë, por për fëmijët, e ka premtuar Kryeministri Edi Rama gjatë fjalës së mbajtur dje në Parlament, kur tha se do ndërtohet një teatër identik si ai. /k.k/noa.al/