Eliminohet “i paprekshmi” i Serbisë, në makinë me modelen kolumbiane
Transmetuar më 15-09-2020, 20:44

Një nga emrat e njohur në Serbi është eliminuar një ditë më parë pas një shperthimi në makinën me të cilën udhëtonte.

“I paprekshmi” i Serbisë, Strahinja Stojanovic, ndërroi jetë pasi “BMW” luksoze e tij shpertheu papritur.

Mësohet se gjatë shperthimit ai humbi dy këmbët, por kur shkoi në spital ai ndërroi jetë.

Në momentin e "boom-it", Stojanovic ndodhej në makinë me missin dhe modelen kolumbiane, Sonja Suarez Gomez, e cila pësoi vetëm disa lëndime të lehta.

Bëhet me dije se pak pas shperthimit, 30-vjeçari ka arritur të bisedojë me mjekët që kanë ardhur për ndihmën e parë, por vetëm pak orë më vonë humbi jetën.

Emri i Stojanoviç është lidhur publikisht me disa "heqje qafe", por ai kurrë nuk është akuzuar për ndonjë prej tyre.