Tronditëse! Dhurata e gabuar për ditëlindje nga i dashuri, adoleshentja italiane humb jetën
Transmetuar më 14-10-2020, 12:56

Një 18-vjeçare u gjet e vdekur për shkak të një mbidoze heroine, të cilën ia kishte bërë dhuratë për ditëlindje i dashuri i saj.

Ngjarja ka tronditur opinionin publik italian.

Një ditë para se të vdiste, Maria Chiara Previtali kishte festuar ditëlindjen dhe si dhuratë nga i dashuri i saj, Francesco Gunucci kishte marrë heroinë.

Gunucci akuzohet për vrasje me dashje dhe aktualisht është i dyshuari i vetëm.

Lidhur me ngjarjen, ai ka treguar detajet e fundit me të dashurën e tij: “Vetëm në mëngjes rreth orës 9 kur e thirra për të shkuar në lokal pasi nuk kishte kafe në shtëpi pashë që ishte e bardhë.

“Nuk kam asgjë për të fshehur. Dua të mbrohem. Është e vërtetë që përdor drogë dhe që ajo mori një dozë heroinë. Ajo donte ta provonte", ka shtuar më tej i dashuri i vajzës.

Mediat italiane kanë raportuar ngjarjen, ndërsa opinioni publik është shokuar nga rritja e përdoruesve të heroinës nga adoleshentët, të cilët nga varësia prej saj, po humbin jetën.

/NOA.al