Suedia dhe Finlanda kanë vendosur të krijojnë një lidhje treni për pasagjerët.

Udhëtimi me tren midis dy vendeve skandinave nuk ishte funksional për gati 30 vjet.

Autoritetet informuan se stacioni kufitar suedez në Haparanda u hap sërish mw 1 prill për pasagjerët që dëshironin të udhëtonin me tren nga njwri vend i Suedisw në tjetrin.

Për gati tre dekada, Suedia dhe Finlanda nuk kanë pasur lidhje trenash për pasagjerë edhe pse janë vende fqinje.

Sidoqoftë, popullariteti i udhëtimeve me trena është rritur ndjeshëm për shkak të çështjeve mjedisore, gjë që i ka shtyrë autoritetet të konsiderojnë vënien në përdorim të kësaj forme të udhëtimit.

Si pasojë, të dy vendet vendosën të bëjnë lëvizje thelbësore në krijimin e lidhjeve ndërkufitare përmes trenave të pasagjerëve pasi morën parasysh situatën aktuale.

Për më tepër, autoritetet finlandeze kanë vendosur të elektrifikojnë një shteg prej 20 kilometrash midis Laurila, një fshat kufitar në Finlandën veri-perëndimore dhe kufirit me Suedinë. Skema për elektrizimin e u financua nga Bashkimi Evropian në korrik 2020. Finlanda mori një ndihmë totale prej 1.6 milion €.

Për më tepër, autoritetet gjithashtu planifikojnë të rinovojnë dhe elektrizojnë urën hekurudhore përtej lumit Tornio. Sidoqoftë, vendimi për themelimin dhe financimin e tij nuk është aprovuar ende.

Në fillim të marsit, Suedia u rendit në krye të Indeksit të Udhëtimit të Qëndrueshëm të Euromonitor International midis 99 vendeve në të gjithë botën për angazhimin e përgjithshëm të qëndrueshmërisë mjedisore dhe sociale si dhe për mbështetjen e një ringjalljeje të sektorit të udhëtimit dhe turizmit ekologjik. Pas Suedisë, Finlanda u rendit e dyta.

Për shkak të kufizimeve të udhëtimit midis Suedisë dhe Finlandës, nuk është njoftuar ende se kur lidhja e trenave të pasagjerëve do të bëhet plotësisht funksionale midis dy vendeve.

Më parë, Suedia ka zgjatur kufizimet ndaj udhëtimeve jo-thelbësore në vendet që nuk janë pjesë e Bashkimit Evropian, Zonës Ekonomike Evropiane dhe Mbretërisë së Bashkuar të paktën deri më 31 maj 2021, për shkak të situatës aktuale COVID-19.

Suedia ka regjistruar 841.807 raste me koronavirus dhe 13.578 vdekje. Ndërsa Finlanda ka regjistruar 80,842 raste dhe 866 vdekje, ndërsa 46,000 njerëz janë shëruar plotësisht.

/a.m/NOA.al