TIRANË – Seanca e sotme e Kuvendit ka pasur polemika mes deputetëve.
Deputeti i Partisë Demokratike Edi Paloka është përplasur me drejtuesen e seancës plenare në Kuvend, Ermonela Felaj.
Ai kundërshtoi faktin që Felaj i dha fjalën ministres Elisa Spiropali. Por, u kundërshtua nga socialistja.
Në momentin që Felaj i kërkoi të mos bërtiste në sallë, Paloka e quajti budallaqe dhe legene.
Drejtuesja e seancës i kërkoi të dilte jashtë më pas, por deputeti i PD-së nuk doli.
Pjesë nga debati:
Edi Paloka: Për procedurë është kjo, ia hoqe fjalën atij dhe ia dhe kësaj, po përse procedurë është kjo?
Ermonela Felaj: Çfarë ke që ulërin nga vendi, pse ulërin, dëgjohet deri në fund?
Edi Paloka: Ik moj budallaqe andej, legene!
Ermonela Felaj: Pse ulërin nga vendi? Boll u hakërreve, meritoni masë për fjalën që thatë në Kuvendin e Shqipërisë, nuk fyeni dot njeri në Kuvnedin e Shqipërisë, nuk fyeni dot askënd.
Edi Paloka: Shko moj andej, ik moj budallaqe, më nxirrke ti mua jashtë!
Ermonela Felaj: Dil jashtë, dil nga seanca!