Thai Ngoc, një fermer 80-vjeçar nga Vietnami, pohon se ai nuk ka fjetur për më shumë se 60 vjet, që nga koha kur ai pati ethe në rininë e tij.

Kjo pagjumësi e rëndë nuk ka ndikuar aspak në jetën e tij dhe ai vazhdon jetën normalisht, raporton noa.al.

Shumica e njerëzve nuk mund të kalojnë një ditë të plotë pa të paktën disa orë gjumë, por ky burrë vietnamez pohon se i ka kaluar zgjuar 60 vitet e fundit pa as një sy gjumë qoftë dhe të shkurtër.

Thai Ngoc ka bërë tituj lajmesh në vendin e tij prej vitesh, që kur tha për herë të parë se nuk kishte nevojë për gjumë për të jetuar një jetë të lumtur dhe aktive.

Familja e Ngocit, duke përfshirë gruan, fëmijët, miqtë dhe fqinjët e tij, thonë se nuk e kanë parë kurrë atë të flejë.

Vetë Ngoci këmbëngul se mungesa e plotë e gjumit nuk ka ndikuar asnjëherë negativisht në jetën e tij.

Thai Ngoc, sot 80 vjeç, thotë: “Nuk e di nëse mungesa e gjumit ka ndikuar në shëndetin tim, por unë jam ende i shëndetshëm dhe mund të bëj punë në fermë normalisht si të tjerët”.

Thai Ngoc pretendon se ethet e forta që përjetoi kur ishte 20 vjeç u qetësuan, por megjithëse u shërua, kjo bëri që ai të mos mund të flinte më.

Dyshohet se vietnamezi, i cili nuk kishte zgjidhje tjetër veçse të provonte, nuk mund të flinte që nga dita që i shpërthyen ethet. Ai thotë se gjithnjë ka shpresuar që pagjumësia e tij të jetë e përkohshme, por ka gjashtëdhjetë vjet pa gjumë.

Historia e Thai Ngoc u prit me shumë interes në vendin e tij, Vietnam, por disa mjekë thonë se ai mund të ketë fjetur pak gjatë ditës edhe pse nuk ishte në dijeni të kësaj.

Mjeku nga Australia Vikas Wadhwa tha se disa njerëzve u mungon aftësia për të kuptuar ndryshimin midis të qenit zgjuar dhe gjumit, kështu që burri 80-vjeçar mund të flejë shkurtimisht gjatë ditës dhe të mos jetë i vetëdijshëm për këtë. Mjeku flet edhe për dremitje, jo gjumë.

Këto dremitje mund të jenë të mjaftueshme që ai të vazhdojë jetën e tij.

Për shkak se Ngoc nuk pranoi kurrë që të testohej dhe vëzhgohej siç duhet nga shkencëtarët që trajtojnë çështjet e gjumit, pretendimet e tij dhe ato të njerëzve afër tij janë e vetmja provë e vlefshme. /noa.al