Lexoni horoskopin e ditës nga Paolo Fox për të zbuluar se çfarë kanë rezervuar yjet për ju: vëzhgimet astrologjike të ditës së sotme e shtunë 23 mars 2024 për secilën shenjë të zodiakut. Gjithçka për dashurinë, punën, mirëqenien dhe fatin, përkthyer nga noa.al.

Dashi: Sipas horoskopit të Paolo Fox, sot Dielli dhe Mërkuri në shenjën tuaj pritet t’ju ndihmojnë të ktheheni në një formë më të mirë fizike. Mundohuni të mos e humbni durimin, edhe nëse mendoni se keni njerëz rreth jush që janë më shumë si shkopinj nën rrota sesa aleatë të besuar. Nga ana tjetër qëndroni larg njerëzve që ju kanë zemëruar në të kaluarën.

Demi: Pas një periudhe stuhie që ju ktheu jetën përmbys, po filloni të pranoni ndryshime të pashmangshme. Nuk mund të ndiqni më rrugën që keni marrë në të kaluarën, por do të uleni me këmbë në tokë, në sajë të pranisë së Jupiterit në shenjën tuaj. Historitë më pak kërkuese dhe me kohë të pjesshme mund të japin emocione të forta.

Binjakët: Deri më 5 prill, ditë në të cilën Afërdita bëhet sërish aktive, do të bënit mirë të jeni më të kujdesshëm në dashuri. Mundohuni të mos nervozoheni, edhe nëse nuk do t’i shihni rezultatet menjëherë. Njëkohësisht mos u nxitoni në zgjedhjet tuaja. Edhe këtë të shtunë gjithsesi mund të ndiheni pak të lodhur. Zemrat e vetmuara duhet të përpiqen të heqin njëfarë mosbesimi.

Gaforrja: Sot pritet të nisë një fundjavë e rëndësishme për emocionet. Ata që tashmë janë në një lidhje mund të përjetojnë momente të veçanta me gjysmën e tyre më të mirë. Beqarët mund të hasin në një njohje të veçantë ose, kush e di, ndoshta një rikthim të papritur. Edhe nëse ka tensione të vogla, në fund do të arrini një marrëveshje të rëndësishme.

Luani: Venusi dhe Marsi te Peshqit mund të mos jenë miq për kokë, por të paktën nuk janë më armiqësorë. Për dashurinë do të duhet të prisni deri në fillim të prillit, por ndërkohë do të ishte më mirë që të përpiqeni të rikuperoni pak më shumë qetësinë, të kapërceni vështirësitë në shtëpi, me paratë. Lajme në lidhje me marrëveshjet po shfaqen në horizont.

Virgjëresha: Po dilni nga një periudhë e trazuar dhe pse nuk mund të përjashtoj që Marsi në opozitë po shkakton ende disa dyshime. Veçanërisht ata që kanë lindur në fund të gushtit janë të shqetësuar, dyshues për të ardhmen ose të pasigurt për një vendim që kanë për të marrë; prandaj, në një farë mënyre është një periudhë zgjedhjesh që do të përcaktohet nga rrethanat. Në fakt, ne e dimë se shenja e Virgjëreshës kujdeset për paratë dhe kur i duhet të angazhohet në një aktivitet, me të drejtë kërkon një shpërblim të shpejtë; kështu që çdo negociatë që është shtyrë në këtë periudhë do të duhet të jetë tërheqëse nga një këndvështrim i caktuar, por gjithsesi vendimi duhet të merret më së voni deri në fund të majit. Kjo ka të bëjë edhe me ata që janë artizanë, kanë një dyqan, një biznes. Dashuria rimerr tonin e saj, por unë ende nuk shoh një pasion të madh në këtë qiell. 

Peshorja: Sot mund të ndiheni pak të lodhur, nervozë, por gjithashtu dhe mbi të gjitha, disi si të çliruar nga një barrë dhe madje të vendosur për të filluar nga e para. Edhe nëse nuk do të jetë e lehtë të rikuperoni energjinë që kishit dikur, dijeni se tani jeni gati të përjetoni sërish emocione të reja.

Akrepi: Të gjitha vështirësitë që e kanë bërë jetën tuaj të vështirë deri tani, do të fillojnë gradualisht të zgjidhen vetë. Sidoqoftë, do t’ju duhet ta detyroni veten të jeni më pak dyshues dhe krenarë dhe të përpiqeni t’i besoni më shumë partnerit/es dhe miqve tuaj më të ngushtë. Kushdo që sapo ka dalë nga një krizë sentimentale nuk duhet të bëjë gabim duke besuar se dashuria është e barabartë me shqetësim dhe vuajtje.

Shigjetari: Kjo e shtunë mund të fillojë jo fort mirë, në një mënyrë të lodhshme. Sidomos nëse hasni njerëz që, në vend që t’ju mbështesin, përpiqen të frenojnë entuziazmin tuaj, kujdes, rrezikoni të zemëroheni. Në dashuri duhet të jeni të kujdesshëm për të mos nxitur polemika apo akuza, ndoshta po përpiqeni të fshihni diçka që herët a vonë do të dalë në dritë.

Bricjapi: Sipas horoskopit të Paolo Fox sot, edhe nëse ndjeni njëfarë lodhjeje, do të keni vështirësi t’ia delegoni dikujt. Fatkeqësisht, nevoja juaj për të pasur gjithçka nën kontroll kapërcen gjithçka tjetër. Mundohuni të shmangni konfliktet me ata që ju rrethojnë dhe përpiquni t’i lini pak më shumë tolerancës.

Ujori: Sot do të rifitoni më shumë forcë që duhet ta drejtoni drejt synimeve të reja që keni dhe synoni për të arritur. Në muajin prill duhet të arrini të çliruar nga shumë tensione dhe shqetësime emocionale, sepse muaji i ardhshëm mund të jetë një periudhë tepër stimuluese për jetën tuaj të dashurisë.

Peshqit: Këtë të shtunë do të nisë një fundjavë që do të karakterizohet nga një irritim i lehtë i shkaktuar nga Hëna në kundërshtim me shenjën tuaj. Gjatë ditës do të ndiejë nevojën e një takimi për të pasur siguri më të madhe. Vonesa ose ngadalësime të vogla janë përpara.