Nivelet e ngritura të kolesterolit ndikojnë negativisht në shëndetin e zemrës dhe rrisin rrezikun e sëmundjeve kardiovaskulare

Ka shumë faktorë që ndikojnë në nivelin e kolesterolit dhe dieta e konsumit ditor është sigurisht një prej tyre.

Përfshirja e ushqimeve të shëndetshme në dietën e përditshme luan një rol kyç dhe konsumimi i disa prej tyre mund të kontribuojë në uljen e kolesterolit, informon noa.al duke cituar një raport ndërkombëtar nga Eat This, Not That publikuar në American Journal of Medicine.

Bishtajoret

Bishtajoret, të tilla si thjerrëzat, luajnë një rol të rëndësishëm në ruajtjen e niveleve të shëndetshme të kolesterolit.

Ato përmbajnë fibra të tretshme që menaxhojnë kolesterolin. Kjo bëhet duke u lidhur me grimcat e kolesterolit në sistemin tretës dhe duke i larguar ato nga trupi para se të fillojnë të qarkullojnë në gjak.

Kërpudha

Kërpudhat përmbajnë një përzierje lidhjesh të fuqishme si beta-glukani dhe kitina, të cilat ndihmojnë në uljen e kolesterolit të keq ndërsa potencialisht rrisin kolesterolin e mirë.

Sipas analizës së publikuar në American Journal of Medicine, pas vlerësimit të shtatë studimeve, rezultatet treguan se konsumi i kërpudhave mund të ketë efekte të dobishme në nivelet e kolesterolit HDL dhe LDL.

Peshku i yndyrshëm

Peshqit yndyrorë, si sardelet dhe skumbri, mund të kenë veti të uljes së kolesterolit, sepse përmbajnë një lloj të veçantë të omega-3 EPA (acidi eicosapentaenoic) dhe DHA (acidi docosahexaenoic).

Elbi

Elbi është një burim i mirë i fibrave dietike, vitaminave dhe mineraleve, veçanërisht i dobishëm për shëndetin e zemrës, tretjen dhe mbajtjen e një diete të ekuilibruar.

Boronica

Boronicat njihen si një frut që ul nivelin e kolesterolit në sajë të përmbajtjes së lartë të fibrave të tretshme dhe antioksidantëve.

Fibrat e tretshme tek boronica ndihmojnë në uljen e sasisë së kolesterolit LDL në qarkullimin e gjakut.

Gjithashtu, antioksidantët në boronica, të tilla si anthocyanina, parandalojnë oksidimin e kolesterolit dhe akumulimin në muret e arterieve. /noa.al