Horoskopi i Paolo Fox është një mundësi për t’u informuar për të gjitha të rejat që lidhen me botën e astrologjisë, kalimet e planetëve të rëndësishëm dhe ngjarjet më me ndikim astral.

Çdo ditë astrologu italian formulon vëzhgime astrologjike për dashurinë, punën dhe shëndetin për të dymbëdhjetë shenjat e zodiakut dhe sillen nga noa.al përmes transkriptimit të transmetimit radiofonik. 

Dashi: Sipas horoskopit të Paolo Fox nesër mund të prisni më shumë emocione për të kultivuar pozitivitet, në sajë të hyrjes së Venusit në shenjë. Do të ketë mundësi të reja për të shfrytëzuar dhe duhet ta bëni këtë sa më shumë. Yje interesante për ata që kanë një projekt në zhvillim ose duan të fitojnë një sfidë të re.

Demi: Nesër gjatë mëngjesit do të shpëtoni nga Hëna në disonancë e cila do të arrijë tek miku juaj Peshqit. Prej disa ditësh keni qenë në mes të një faze rigjenerimi të madh. Do t’ju duhet të hiqni nga vetja të gjithë njerëzit që nuk kanë qenë besnikë dhe do t’ju duhet të rregulloni atë që ka hedhur në shesh muaji i fundit.

Binjakët: Afërdita më në fund do të fillojë një tranzit më paqësor, por nuk do të jetë në gjendje të sjellë qetësi sa hap e mbyll sytë, sidomos nëse keni pasur vështirësi serioze javët e fundit. Përpiquni të mos merrni gjithçka kokë më kokë. Tani duhet të punoni për të zgjidhur një problem dhe jo për të rritur distancat.

Gaforrja: Do t’ju duhet të hiqni dorë nga fakti se gjysma e parë e prillit nuk do të jetë aq bujare. Kjo nuk do të thotë se do të bllokohen mundësitë, por do të keni disa shqetësime. Yjet do ju ftojnë të reflektoni në vend që të veproni me nxitim. Disa kontrata mund të dështojnë.

Luani: Nesër do të keni Diellin, Mërkurin, Venusin në aspekt të shkëlqyer: më në fund do të mund të ktheheni në të qenit një protagonist i madh i horoskopit. Edhe kur përballeni me sfida të reja, nuk do t’ju mungojë guximi, forca dhe aftësitë për të fituar. Në dashuri do të duhet të bëni një zgjedhje të rëndësishme.

Virgjëresha: Siç e parashikon horoskopi i Paolo Fox, nesër Hëna do të jetë në opozitë: ju pret një e premte mjaft e ndrydhur. Marsi përballë mund t’ju bëjë ende pak nervozë, ndoshta të jeni edhe nën ankth. Mund të ndjeni një presion të bezdisshëm nga jashtë nëse duhet të merrni vendime pa pasur ide të qarta.

Peshorja: Për nesër "fotografia" juaj astrologjike do të pësojë disa tronditje dhe do të mbizotërohet nga kontraste të reja. Venusi në kundërshtim mund të shkaktojë tension në dashuri. Në fund të muajit, megjithatë, do të jeni mirënjohës për këto vështirësi, sepse do t’ju detyrojnë të çliroheni nga disa ngarkesa.

Akrepi: Përpiquni të mos jeni disfatist, por të reagoni në funksion të gjysmës së dytë të prillit, kur yjet do t’ju rezervojnë më shumë lajme. Për fat të mirë, Hëna në një aspekt të favorshëm do t’ju rikthejë qetësinë dhe do t’ju japë mundësinë për të fituar një intuitë të mirë. Ka ditë me mundësi të reja për t’u shfrytëzuar.

Shigjetari: Këto yje ju ndihmojnë të ndjeni dëshirën për të dhënë dhe marrë dashuri. Premtojnë ditë intriguese. Afërdita do të jetë sërish aktive: mbështetja e saj do t’ju ndihmojë të kapërceni disa kriza, të rishikoni disa marrëveshje ndryshe nga e kaluara.

Bricjapi: Sipas horoskopit të nesërm të Paolo Fox, ata që presin një përgjigje do të duhet ta ngulitin në kokën e tyre se mund të mos vijë menjëherë. Jo gjithçka që keni planifikuar do të varet nga ju: do t’ju duhet të qetësoni mendjen. Do t’ju duhet të prisni që njerëzit e tjerë të lëvizin. Kujdes në marrëdhëniet me Gaforren dhe Virgjëreshën.

Ujori: Hyrja e Venusit në shenjën e Dashit do t’ju mbushë me një dozë të mirë energjie shtesë që mund ta drejtoni drejt dashurisë, sidomos drejt situatave që janë ende pezull. Në planin profesional mund të ketë lajme të rëndësishme që paralajmërojnë diçka të mirë për të ardhmen.

Peshqit: Nesër Hëna do të jetë në shenjën tuaj: zonja e bardhë do t’ju japë një "shqisë të gjashtë" të veçantë, një intuitë të veçantë që duhet ta shfrytëzoni për të filluar të sqaroni gjëra brenda vetes. Është koha të përpiqeni të kuptoni se çfarë doni të bëni në punën tuaj të ardhshme, cilën rrugë do të ndiqni në javët në vazhdim.