Hakan Calhanoglu bëri një rrëfim 360 gradë, duke folur në mënyrë të veçantë për shokët e tij të tanishëm dhe të kaluar. "Cilët janë më ngatërrestarët në dhomën e zhveshjes? Barella, Thuram dhe Arnautovic, – ishin fjalët e mesfushorit të Interit në një intervistë për "Gli Autogol".

– Do ta lejoja Markon të gjuante penalltinë kur nuk jam unë në fushë. Do ta gostisja Dimarcon për darkë, do të shkoja me pushime me Barella. Do t’ia jepja kartën time të kreditit Lautaros.

Megjithatë, kur i kërkojnë të zgjedhë lojtarin më të mirë me të cilin ka luajtur ndonjëherë, Calhanoglu shikon nga vendi i tij: "Arda Turan, kur ishte kapiteni ynë në kombëtare. Po kundërshtari më i mirë? Neymar.

Si bashkëlojtarë të një ekipi me pesë anëtarë do të zgjidhja Szczesny në portë, Van Dijk në mbrojtje, Barella dhe Mkhitaryan në mesfushë, Mbappe në sulm. Do t’ia jepja Simone Inzaghit çmimin për grimin më të mirë, sepse ai kërkon të jetë gjithmonë perfekt. Yildiz do të nominohet për ‘Topin e Artë’ pas disa vitesh. Ai është shumë i talentuar, shumë i mirë dhe i uritur, jam dakord me Szczesny".