Juventusi arrin në finalen e Kupës së Italisë, edhe pse e humbi gjysmëfinalen e kthimit kundër Lazios. Një disfatë 2-1, të cilën Massimiliano Allegri e komentoi kështu: “Ishte një ndeshje e vuajtur dhe ne e dinim. Pësuam menjëherë gol me një top të vdekur, pastaj patëm disa mundësi.

Me Vlahovic dhe Bremer rrezikuam seriozisht, duhej të kishim barazpeshuar rezultatin. Në pjesën e dytë u përmirësuam dhe patëm situata të favorshme, derisa shënuam golin e vetëm dhe evituam kohën shtesë.

Nuk është e lehtë për momentin, sepse po luajmë ndeshje të vështira, që nuk i kemi luajtur për një vit e gjysmë. Vitin e kaluar kemi luftuar, por në një situatë të papërshtatshme, për shkak të kaosit jashtë fushës. Këtë vit ishim pas Interit deri në janar, më pas pati një kolaps për Juventusin, të cilin duhej ta ftillonim për të siguruar kualifikimin në Ligën e Kampionëve.

Lazio duhej ta kthente ndeshjen, ishte normale të pritej agresion prej saj. Lazio luajti një lojë vërtet të mirë. Ne përmirësuam disa gjëra dhe morëm rezultatin që na kualifikon kundër një Lazio të shkëlqyer.

Goli i Milik ishte gjithashtu rezultat i fatit. Sonte ishte një ndeshje e rëndësishme, eliminimi ynë do të kishte sjellë pasoja të rrezikshme psikologjike, duke qenë se nuk jemi ende matematikisht në Champions League.

Çfarë i mungon këtij Juventusi? Kur jemi në fund të sezonit, pikët konsiderohen shumë të rëndësishme. Është e vështirë të shohësh ndeshje të bukura, rezultati ka shumë rëndësi. Mund të ishim mbrojtur më mirë sonte, si dhe në Cagliari. Duhet të arrijmë në fund të të gjitha objektivave për klubin. Në kuadrin e luajtjes në Superkupë sezonin e ardhshëm, do të përpiqemi ta mbyllim në mënyrën më të mirë të mundshme”.