Transmetuar më 20-04-2021, 13:51
Princi serb Philip dhe princesha Danica Karagjorgjevic kanë vizituar Prizrenin dhe zonën e Rahovecit në Kosovë.
Sipas mediave serbe çifti zhvilloi këtë fundjavë disa vizita në dy qytetet e Kosovës.
Mësohet se ata u takuan me një numër serbësh që jetojnë aty.
Në Prizren, ata morën pjesë në liturgjinë në Manastirin e Kryeengjëjve të Shenjtë.
Ata gjithashtu vizituan Seminarin Teologjik të restauruar të Shenjta Kirilit dhe Metodit.
Mediat serbe raportojnë se Princi Fillip është Karagjorgjevici i parë, pas Mbretit Aleksandër I, që ka vizituar Prizrenin.
Në të njëjtën ditë, pasdite, Princi Filip dhe Princesha Danica thuhet se kanë qëndruar në Hoçë të Madhe dhe Rahovec.
/a.m/NOA.al