Transmetuar më 05-12-2021, 15:06

Koalicioni qeverisës në Maqedoninë e Veriut ka forcuar më tej pozita, pasi Zoran Zaev gjeti aleatë të tjerë, pas largimit të lëvizjes Besa që kërcënoi rëndë mbijetesën e kësaj qeverie.

Partia Alternativa vendosi të bëhej pjesë e qeverisë së Maqedonisë së Veriut, që drejtohet nga kryeministri Zaev duke i shtuar kësaj aleance dhe 4 deputetë dhe forcuar në këtë mënyrë mazhorancën.

Kryeministri Zoran Zaev dhe kryetari i Alternativës, Afrim Gashi nënshkruan marrëveshjen zyrtare të bashkëqeverisjes.

Alternativës i janë besuar 3 ministri, tre zëvendësministra dhe shumë Institucione dhe agjenci të vendit.

Më konkretisht i janë besuar këto institucione:

-Ministria e Shëndetësisë -Ministria e Shoqërisë Informatike -Ministria e Diasporës

Gjithashtu i janë besuar edhe 3 zëvendësministri:

Zëvendësministri i Arsimit dhe Shkencës Zëvendësministri i Kulturës Zëvendësministri i Bujqësisë

Gjithashtu, asaj i janë besuar edhe këto institucione: Fondi Pensional dhe Invalidor, Hekurudhat e Maqedonisë, Klinika e Tetovës, Agjencia e Investimeve të Huaja dhe rreth 40 të tjera.