Britania e Madhe- Dënohet me 25 vite burg çifti britanik pasi akuzohen për mbajtjen e skllevërve modernë në mjerim në një shtëpi në Bristol të quajtur si “porta e ferrit”.

Maros Tancos dhe Joanna Gomulska trafikuan të paktën 29 njerëz në Britani, disa prej të cilëve ishin rritur në jetimore në Sllovaki, pasi u premtuan atyre një jetë më të mirë.

Në realitet, ata mbaheshin si “të burgosur” në pronë dhe përballeshin me rrahje dhe kërcënime me vdekje.

Viktimat u detyruan të punonin falas në biznesin e lavazhit të Tancos në Bristol përpara se të shkonin në punë të tjera gjatë natës. Ndërkohë që çifti i shpenzonte pagat e tyre në makina dhe lojëra të fatit.

Një prej tyre u detyrua të punonte në lavazh me krah të thyer, ndërsa një tjetër u largua pasi mbeti shtatzënë dhe lindi një fëmijë të kequshqyer.

Prokurorët thanë se rasti zgjati gati një dekadë. Tancos, 45, dhe Gomulska 46 vjeçe u dënuan në Gjykatën e Kurorës së Bristol të mërkurën pasi u dënuan për vepra penale të skllavërisë moderne në prill pas një gjyqi tre mujor. Tancos u burgos për 16 vjet dhe Gomulska u dënua me nëntë vjet burg.