Maqedonia e Veriut- Ziadin Sela dorëhiqet nga posti i kryetarit të Aleancës për Shqiptarët në Maqedoninë e Veriut. Shkas për këtë është disfata e thellë e partisë së tij në zgjedhjet e djeshme për këshillin komunal në Tetovë. Aleanca për Shqiptarët nuk ka fituar asnjë këshilltar ndërsa në përbërjen e deritanishme kishte 3 të tillë.

Sela tha se nuk priste një rezultat të tillë andaj edhe merr përgjegjësinë. “Nga ky moment marr përgjegjësinë dhe jap dorëheqjen e parevokueshme si kryetar partie. Në periudhën në vijim, organi më i lartë i partisë pas dy Kongreseve dhe Kuvendi Qendror duhet të ulet dhe të vendosë se kush do të jetë ushtrues detyre i kryetarit të partisë”, ka deklaruar Sela.