Tiranë- Taksisti Ulian Kolgjegja e ka shprehur hapur miqësinë që ka pasur me Brilant Martinajn dhe Ervis Martinajn. Ai foli për emisionin "Shqipëria Live".

Kolgjegja tha se Brilantin e ka patur si vëlla të vogël, ndërsa pa Ervisin nuk merr dot frymë. Duke u ndalur te zhdukja e tij ai tha se është i bindur që Visi nuk ka vdekur, pasi nëse do të vdiste ai vetë nuk do të kishte më jetë.

Ai tha se së shpejti do të bëjë tatuazh edhe Brilantin ndërsa deklaroi se tre personat që e kanë vrarë së shpejti do të marrin dënimin e merituar.

"Brilantin e kam pasur si vëllanë e vogël. Visin e kam mbretin tim. Pa Visin nuk kam frymë. Atë ditë që do vdesë Visi, atë ditë do jem edhe unë në botën tjetër. Kam parandjenjë që Visi do jetë mirë. Brilantin e kam vëlla të vogël.

Sa kam mbushur 18 vjeç e kam çuar me taksi në Europë, në Amsterdam. Atë që i kanë bërë për Brilantin. Zoti vonon por nuk harron. E takoja shpesh. Herën e fundit folëm për punët tona, nuk thuhen ato gjëra. Gjëra çunash. Ka pasur shumë qejf muzikën, ndiqte muzikën. Mbaronte pas Stresit. Ishte i muzikës. Vëllai im. Për Visin, pa atë nuk kam frymë.

Nuk vendos as familjen time para tij. Ta dijnë mirë. Është parandjenja ime që nuk e ka gjetur gjë. Komunikoj javë për javë. Iki tek Brilanti, shkoj edhe tek ata. Mediat nxjerrin gjëra, kuptoje vetë si janë bërë. Unë u jap kurajo. Unë Visin e kam bërë tatu tek dora para 2 viteve. Brilanti thoshte ma bëj edhe mua tatuazh. Këmbëngulte gjithmonë, edhe ka qenë prezent edhe Stresi. Do e bëj portret Brilantin. Unë nuk e kam bërë për klientët këtë gjë. Nuk flasin për fotot që kam vendosur unë. Ata që i kanë prerë ëndrrën e Brilantit kanë bërë shumë gabim.

Zoti vonon por nuk harron, për ata të tre e kam. Do marrin dënimin që meritojnë. Dënimin e marrin nga shteti. E vendos ligji. Normale që e vendos ligji. Luani ecën vetë. Është mbreti im, Visi. Nuk preket Visi, le ta harrojnë të gjithë".