ITALI- Krim tragjik në një familje në Itali. Një mjek italian vrau gruan dhe dy fëmijët e tij dhe më pas kreu vetëvrasje. Ngjarja ndodhi sot pasdite, në L’Aquila, në një vilë në Tempera, në periferi të qytetit. Sipas informacioneve paraprake, Carlo Vicentini, shef i urologjisë në spitalin Teramo, vrau gruan dhe dy fëmijët e tij me një pistoletë P38 dhe më pas u vetëvra. Dyshohet se shkak është bërë gjendja shumë e rëndë e njërit prej dy fëmijëve.

"Jemi të shkatërruar. Është një tragjedi që nuk mund ta shpjegojmë: Profesor Vicentini ishte një urolog shumë i mirë dhe i vlerësuar, si dhe një njeri i sjellshëm, i ndjeshëm,"-kështu u shpreh drejtori i përgjithshëm i Asl të Teramo Maurizio Di Giosia, për Carlo Vicentinin.

Qasja e fundit në WhatsApp në telefonin e 36-vjeçares Alessandra Vicentini, e vrarë nga babai i saj Carlo së bashku me nënën dhe vëllain e saj, daton rreth orës 2 të natës të enjten. Asnjë nga fqinjët nuk duket në gjendje të përcaktojë me siguri kohën e vrasjes.

"Ne jetojmë në një zonë ku zhurma e të shtënave mund të ngatërrohet lehtësisht," – shpjegon një fqinj në shtëpinë përballë.

Disa miq dhe të afërm dhanë lajmin për tragjedinë pasi vendosën të kërkonin familjen që prej ditësh nuk dilte nga shtëpia, e kur gjetën trupat njoftuan Policinë.

Jashtë shtëpisë ishte edhe Giovanni Vicentini, vëllai i urologut.

“Më tha dy ditë më parë se me gjithë familjen do të shkonte në plazh në Tortoreto (Teramo) – shpjegon ai – dje u përpoqa të kontaktoja pa marrë përgjigje. Pashë vetëm se xhamat ishin ulur dhe mendova se tashmë ishte larguar. Sot zbulohva tragjedinë."