Romë – Ai kishte mbërritur në kryeqytetin e Italisë për të parë drejtpërdrejt Papa Françeskun, ashtu si 100 mijë të rinj e të reja u mblodhën në meshën speciale të Papës për rininë.

Por i riu gjerman, duket se harroi fare të gjitha thirrjet shpirtërore dhe fetare, pasi e shfrytëzoi ikjen në meshë për të përdhunuar bashkatdhetaren e tij brenda hotelit ku po qëndronin.

Për këtë, djaloshi 26-vjeçar tashmë është dënuar përd’hunim dhe lëndim. E pret një dënim katërvjeçar.

Përdhunimi në Romë pas vizitës së Papës: çfarë ka ndodhur

Historia filloi më 31 korrik 2018, verën e 5 viteve më parë, në të cilën Papa Françesku kishte thirrur në Vatikan më shumë se 100,000 të rinj.

Atë ditë sheshi ishte i mbushur plot dhe një numër i madh të rinjsh erdhën nga e gjithë bota. Megjithatë, askush nuk mund ta imagjinonte se çfarë do të kishte ndodhur në ato rrethana.

Përveç mundësisë për të parë drejtpërdrejt Papën, mundësia e krijuar ishte gjithashtu e shkëlqyer për të qenë në gjendje të vizitonin bukuritë dhe monumentet e Romës. Dhe, për këtë arsye, mijëra djem e vajza vendosën të qëndrojnë disa ditë në kryeqytet.

Mes tyre ishin edhe anëtarët e grupeve që vijnë nga dioqezat gjermane. Siç është raportuar sot nga Corriere della Sera, dy të rinj takohen në një lokal në mbrëmjen e 3 gushtit dhe shpejt u bënë miq. Duket se ata kishin shumë të përbashkëta.

Në fakt, të dy kishin ardhur në Romë nga Gjermania dhe më pas panë se kishin të njëjtat interesa. Arsyeja e vizitës së tyre ishte gjithashtu e njëjtë, për të takuar Papën. Edhe mosha, e ngjashme, ai, 2 vjet më i madh nga e reja 24 vjeçare gjermane.

Kurthi për ta çuar në dhomë

Në fund të mbrëmjes së 3 gushtit, djali i thotë vajzës: “A do të më ndihmosh të bëj gati valixhet?”. Por ishte një justifikim, një kurth. Në një dhomë të hotelit Galles, në zonën e Castro Pretorio, pak hapa nga stacioni Termini, ndodh përd’hunimi të cilin viktima, me guxim, e denoncoi menjëherë në Ministrinë e Brendshme italiane.

Tani, historia e shëmtuar ka arritur epilogun e saj: për të riun këto ditë, pas pesë vitesh kalvar gjyqësor është dhënë dënimi përfundimtar me katër vjet burgim të cilin ai do ta vuajë pasi deri tani ishte në ndjekje të lirë. /noa.al