Shakira u kthye në Barcelonë për të parë mikun e saj Lewis Hamilton në Çmimin e Madh të Katalonjës në Formula 1. Këngëtarja kolumbiane ishte larguar nga qyteti pas ndarjes me Gerard Piqué dhe tani, duket se ajo është lidhur me pilotin britanik, dyshime që lindën pas disa fotove të publikuara së bashku.

Gjatë garës, disa media publikuan dhuratën që Lewis Hamilton, kampion i shumëfishtë bote në Formula 1, i bëri Shakirës. Një dhuratë ekskluzive, me të cilën kolumbianja ka pozuar në rrjetet e saj sociale, me prapavijën e linjës Barcelona-Katalonia.

Dhurata luksoze ishte një veshje e markës ‘Versace’, të cilën vetë Donatella Versace, zv.presidentja e kompanisë së famshme të modës, e komentoi në postimin në Instagram.

Ky koleksion është krijuar në bashkëpunim me një artiste nga industria e muzikës, Dua Lipa, dhe Lewis Hamilton ishte i ftuar në eventin e prezantimit, kështu që dhurata për këngëtaren kolumbiane mund të ishte përgatitur atje.

Veshja që Shakira veshi në cirkuitin ‘Barcelona-Katalonia’ kushton 1500 dollarë. Shakira fitoi vëmendjen e shtypit, pasi u pa në Grand Prix, ku fansat po nxisnin spekulimet për një romancë me Lewis Hamilton.

Pas garës u panë disa fotografi ku të dy ndajnë një darkë me miqtë, me pilotin britanik që rrethon Shakirën me krahun e tij.