Më shumë se 1500 fluturime u anuluan, dhe qeveria britanike njoftoi sot nisjen e një hetimi administrativ për shkaqet e dështimit teknik, i cili ende nuk dihet.

Në Britani, ka ende kaos me qindra fluturime që nuk funksionojnë në shumë aeroporte të vendit. Me njoftimin e saj më të ri, qeveria britanike sqaron se ka dhënë dritën jeshile për fluturime të reja natën, për të lehtësuar shqetësimin mbizotërues dhe që britanikët të kthehen në shtëpi.

Njoftimi u bë pas një takimi të zgjatur në Downing Street.

“Problemi do të zgjasë me ditë”

Shumë pyetje mbeten pa përgjigje, në lidhje me sistemet e trafikut ajror që “ranë”. “Një defekt teknik bëri që sistemi automatik për përpunimin e fluturimeve të ndalonte së punuari, që do të thotë se gjithçka duhej bërë me dorë, gjë që ngadalësoi procesin”, shkruan BBC.

Pasojat domino të problemit, siç shkruajnë mediat britanike, mund të reflektohen edhe në trafikun ajror të ditëve në vijim, dhe për këtë arsye mund të lindin çështje si aeroplanët në vendet e gabuara.

BBC rithekson se Downing Street ka hedhur poshtë mundësinë që dëmi të jetë shkaktuar nga hakerimi. Megjithatë hetimet vijojnë për zbardhjen e rastit, ndërkohë që sot janë anuluar qindra fluturime britanike.

Një zëdhënës i Downing Street, pas deklaratave të ministrit britanik të transportit, përsëriti se prishja e kontrollit të trafikut ajror, nuk ishte shkaktuar nga një sulm kibernetik.

“Informacionet që kemi janë se nuk ka pasur asnjë sulm kibernetik. Shkaku i saktë i problemit do të jetë objekt hetimi nga Autoriteti i Aviacionit Civil, dhe më pas do t’i dorëzohet qeverisë”, tha zëdhënësi.

Të hënën, në aeroportet evropiane ka mbizotëruar një skenë kaosi, me mijëra fluturime të anuluara.

Tregues i përmasave të problemit është fakti se Ryanair njoftoi se 40 mijë pasagjerë panë fluturimet e tyre të anuluara.

Ashtu si në Mbretërinë e Bashkuar, në Spanjë, Portugali, Izrael dhe vende jashtë Evropës, qindra udhëtarë, në shumë raste me fëmijë të vegjël, u bllokuan, duke përfshirë Greqinë, pasi ndërprerja preku edhe fluturimet përmes hapësirës ajrore të Mbretërisë së Bashkuar.

Më shumë se 1500 fluturime u anuluan, dhe qeveria britanike njoftoi sot nisjen e një hetimi administrativ për shkaqet e dështimit teknik, i cili ende nuk dihet.