Një 32-vjeçar, i përjashtuar në fillim të muajit shtator nga Policia e Shtetit, është arrestuar në Greqi pasi ishte shpallur më herët në kërkim nga autoritetet italiane.

Amarildo Kureta, që ka qenë pjesë e efektivëve të Forcave Operacionale në Berat, kërkohej nga Italia nën akuzën e trafikimit të narkotikëve.

Në hetimet që kanë zgjatur për disa vjet, është arritur të provohet se ka pasur lidhje me një grup të strukturuar kriminal në fushën e trafikimit të drogës.